پنجاب، سندھ میں سردی کی شدت میں اضافہ ،غذر کے بالائی پہاڑوں پر ہلکی برفباری کا سلسلہ جاری

ہفتہ 25 اکتوبر 2014 13:35

اسلام آباد(اُردو پوائنٹ اخبار تازہ ترین۔25 اکتوبر۔2014ء ) گلگت، اسکردو، استور، دیامر، ہنزہ نگر اور دیگر بالائی علاقوں میں بھی درجہ حرارت مزید کم ہو رہا ہے۔غذر کے بالائی پہاڑوں پر ہلکی برفباری کا سلسلہ جاری جبکہ میدانی علاقوں میں موسم ابر آلود ہے۔ پنجاب، سندھ میں سردی کی شدت میں روز روز اضافہ ہوتا جا رہا ہے۔بلوچستان کے بہت سے مقامات میں بھی سردی بڑھ گئی ہے۔

(جاری ہے)

سرد ہواوں کے چلنے سے صبح اور شام کے اوقات میں شہریوں کو مشکلات کا سامنا ہے۔ادھر گزشتہ روز کی بارش کے بعد ملکہ کوہسار مری میں سردی بڑھ گئی ہے۔ آئندہ 24 گھنٹوں کے دوران مالاکنڈ،ہزارہ،پشاور،کوہاٹ ڈویڑن،اسلام آباد،سرگودھا،راولپنڈی،فیصل آباد ڈویڑن،کشمیر اور گلگت بلتستان میں کہیں کہیں تیز ہواو ں اور گرج چمک کے ساتھ بارش کاامکان ہے، اس دوران ڑوب،بنوں اورگوجرانوالہ ڈویڑن میں چند مقامات پر بارش جبکہ دیگر علاقوں میں موسم خشک رہنے کی توقع ہے۔