جامعہ کشمیر میں وزیراعظم لیپ ٹاپ سکیم کے تحت 1200 سے زائد لیپ ٹاپ تقسیم کرنے کی تقریب کا انعقاد
جمعرات 13 نومبر 2014 16:05
مظفر آباد (اُردو پوائنٹ تاز ترین اخبار۔ 13نومبر 2014ء) جامعہ کشمیر میں وزیراعظم لیپ ٹاپ سکیم کے تحت 1200 سے زائد لیپ ٹاپ تقسیم کرنے کی تقریب کا انعقاد کیا گیا۔ تقریب کے مہمان خصوصی اپوزیشن لیڈر اور مسلم لیگ (ن)کے صدر و سابق وزیراعظم راجہ فاروق حیدرتھے ۔ تقریب سے خطاب کرتے ہوئے اپوزیشن لیڈر راجہ فاروق حیدر نے کہا کہ کشمیر کاز اور آزاد خطے کی ترقی کے لیے وزیراعظم پاکستان اور ان کی حکومت کی ذاتی اور خصوصی دلچسپی کی ایک مثال لیپ ٹا پ سکیم میں آزادکشمیر کو خصوصی نمائندگی دینا بھی ہے ۔
موجودہ حکومت پاکستان کے اقدامات سے آزادکشمیر میں ترقی اور تعلیمی و تربیت میں فراہمی میں مدد ملے گی۔ ان خیالات کا اظہار انہوں نے جامعہ کشمیر میں منعقد ہونے والی تقریب تقسیم لیپ ٹاپ سے خطاب کرتے ہوئے کیا۔(جاری ہے)
انہوں نے مزید کہا کہ ملک میں نئی قیادت طلباء اور نوجوانوں میں سے سامنے آئے گی طلباء اور نوجوان ملک اور قوم کا مستقبل ہیں۔ لیپ ٹاپ میرٹ اور صلاحیت پر حاصل کرنے والے طلباء کو مبارکباد دیتے ہوئے کہا کہ طلباء اور نوجوانوں کے بہترین مستقبل کے لیے تمام وسائل برؤے کار لانا حکومت کا اولین فرض ہے ۔
تقریب سے خطاب کرتے ہوئے ایگزیکٹو ڈائریکٹر ہائر ایجوکیشن کمیشن منصور اکبر کنڈی نے کہا کہ لیپ ٹاپ اور فیس معافی کی سکیم جمہوری دور کا بہترین تحفہ ہے اور اگر ملک میں جمہوری دور جاری رہا تو جمہوریت کے مزید تحائف عوام تک پہنچیں گے ۔ موجود ہ حکومت میں ہائر ایجوکیشن کمیشن کو جتنا فنڈ دیا گیا اس کی مثال گزشتہ ادور میں نہیں ملتی ۔ انہوں نے اپنے خطاب میں مزید کہا کہ جامعہ کشمیر وائس چانسلر پروفیسر ڈاکٹر سید دلنواز احمد گردیزی کی سرپرستی میں تیزی سے ترقی کا سفر جاری رکھے ہوئے ہے ۔ ڈاکٹر دلنواز احمد گردیزی کو اپنی میعاد پوری کرنے پر مزید توسیع ملنی چاہیے جو جامعہ کشمیر کی ترقی کے لیے مفید ثابت ہو گی ۔ تقریب سے خطاب کرتے ہوئے وائس چانسلر پروفیسر ڈاکٹر سید دلنواز احمد گردیزی نے کہا کہ لیپ ٹاپ سکیم سے مستفید ہونے والے طلباء و طالبات کو تعلیم و تحقیق کے لیے بہتر وسائل دستیاب ہوں گے ۔ جس سے ان کی تعلیم و تحقیق کے میدان میں ان کو مدد ملے گی اور وہ ملک کی ترقی میں مزید بہتر کردار ادا کر سکیں گے ۔ حکومت پاکستان نے تمام سکالر شپ سکیموں میں جامعہ کشمیر کو نمائندگی دی ہے جو قابل ستائش ہیں ۔ تقریب میں ممبر قومی اسمبلی و چیف کوآرڈی نیٹر لیپ ٹاپ سکیم روبینہ اختر نے خصوصی شرکت کے علاوہ ممبر قانون ساز اسمبلی بیرسٹر افتخار گیلانی ، جامعہ کشمیر کے آفیسران ، فیکلٹی ممبران اور طلباء و طالبات کی بڑی تعداد نے شرکت کی ۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.