ظفر اکبر بٹ ، جاوید میر کی طرف سے شہید نوجوانوں کو زبردست خراج عقیدت
پیر 19 جنوری 2015 18:33
سرینگر( اُردو پوائنٹ تازہ ترین اخبار۔ 19 جنوری 2015ء) مقبوضہ کشمیرمیں کل جماعتی حریت کانفرنس کے رہنماؤں ظفر اکبر بٹ اور جاوید احمدمیر بھارتی فوجیوں کے ہاتھوں شہید ہونیو الے کشمیری نوجوان اشفاق احمد کے سوگوار خاندان سے اظہار تعزیت کیلئے انکے گھر آرونی بیج بہاڑہ گئے ۔ کشمیر میڈیا سروس کے مطابق اشفاق احمد کو بھارتی فوجیوں نے چند روز قبل تلاشی اور محاصرے کی ایک کارروائی کے دوران ضلع شوپیاں میں چار دوستوں کے ہمراہ شہید کر دیا تھا۔
حریت رہنماؤں نے شہداء کو زبردست خراج عقیدت پیش کیااور مزارشہدار جاکر انکی روح کے ایصال ثواب کیلئے دعا کی ۔ اس موقع پر لوگوں کی ایک بڑی تعداد خاص طور پر نوجوانوں بھی حریت رہنماؤں کے ساتھ تھے جنہوں نے آزادی کے حق میں نعرے بلند کئے ۔(جاری ہے)
حریت رہنماء علاقے میں دیگر شہداء کے گھر بھی گئے اور انکے اہلخانہ سے اظہار ہمدردی کیا۔اس موقع پر ایک اجتماع سے خطاب کرتے ہوئے حریت رہنماؤں نے جدوجہد آزادی کو اس کے منطقی انجام تک جاری رکھنے کے عزم کا اعادہ کیا اور لوگوں پر زور دیاکہ وہ جدوجہدآزادی کے ساتھ بھرپور یکجہتی ظاہر کریں جس کیلئے لاکھوں کشمیریوں نے اپنی جانیں قربان کی ہے۔
انہوں نے مقبوضہ کشمیر میں بڑے پیمانے پر انسانی حقوق کی خلاف ورزیاں کرنے پر بھارت اور اس کے فوجیوں کو بھی شدید تنقید کا نشانہ بنایا اورکہاکہ ظلم و جبر سے کشمیریوں کی حق پر مبنی تحریک آزادی کو سبوتاژ نہیں کیا جاسکتا۔انہوں نے کہا کہ بھارتی فوجی کشمیریوں کے قتل عام اور انہیں حراست کے دوران لاپتہ کر کے انسانی حقوق کی سنگین پامالیاں کر رہے ہیں اور ان پامالیوں کی بین الاقوانین کے تحت تحقیقات ہونی چاہئیں۔ انہوں نے انسانی حقوق کی بین الاقوامی تنظیموں پر زوردیا کہ وہ دوران حراست لاپتہ ہزاروں کشمیریوں کی تحقیقات اور بھارت اور مقبوضہ علاقے کی مختلف جیلوں میں غیر قانونی طورپر نظربند سیاسی رہنماؤں کی رہائی یقینی بنائیں۔جموں وکشمیر سالویشن موومنٹ کی خواتین شاخ کی سیکریٹری رقیہ باجی بھی حریت رہنماؤں کے ہمراہ تھیں۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.