آزاد کشمیر میں شدید بارشوں اور برف باری کا سلسلہ جا ری
پیر 2 مارچ 2015 16:16
مظفر آباد (اُردو پوائنٹ اخبار تازہ ترین۔02مارچ۔2015ء) آزاد کشمیر کے اضلاع نیلم ویلی‘ شاردہ کہل‘ آٹھ مقام‘ مظفر آباد‘ باغ ‘ حویلی‘ راولاکوٹ میں شدید بارشوں اور برف باری کا سلسلہ تیسرے روز بھی جاری ہے لینڈ سلائیڈنگ سے متعدد رابطہ سڑکیں بند ہو گئی اشیاء خرد و نوش کی قلت کے ساتھ ساتھ لوگ بھی گھروں میں محصور ہو کر رہ گئے۔ حکومت اور انتظامیہ کی بے بسی عوام کی مشکلات میں اضافہ۔
محکمہ موسمیات کے مطابق آئندہ دو سے تین روز تک آزاد کشمیر کے بالائی علاقوں میں شدید بارشوں اور برف باری کا سلسلہ جاری رہے گا۔ خوراک اور ادویات کی قلت کے باعث چھوٹے بچے مختلف امراض میں مبتلا ہو گئے۔ میڈیا رپورٹس کے مطابق پیر کے روز آزاد کشمیر کے متعدد اضلاع میں بارشوں کا سلسلہ جاری ہے۔(جاری ہے)
آزاد کشمیر کا موسم شدید ٹھنڈا ہو گیا ہے اور لینڈ سلائنڈنگ سے لوگوں کی مشکلات میں اضافہ ہو گیا ہے۔
لیکن لینڈ سلائیڈنگ سے بند ہونے والی سڑکوں کو انتظامیہ کی جانب سے ابھی تک مکمل طور پر نہین کھولا گیا ہے اہم مقام کو کھول دیا گیا ہے لیکن دیہی علاقوں کو شہر سے ملانے والی رابطہ سڑکیں ابھی تک کھولی نہیں جا سکی ہیں جس سے دیہی علاقوں سے روزانہ کی بنیاد پر شہر تعلیم اور ملازمت کی غرض سے آنے والوں کو شدید مشکلات کا سامنا کرنا پڑتا ہے۔ اس کے علاوہ کئی روز سے جاری بارشوں کی وجہ سے چھوٹے بچے مختلف امراض میں مبتلا ہو گئے ہیں محکمہ موسمیات کے مطابق آزاد کشمیر میں آئندہ دو سے تین روز تک بارشوں کا سلسلہ جاری رہے گا جس سے مزید لینڈ سلائیڈنگ کا خطرہ ہے۔ آزاد کشمیر کے شاہرات ڈویژن نے اُردو پوائنٹ اخبار تازہ ترین۔02مارچ۔2015ء کو بتایا کے پورے آزاد کشمیر کے جتنے علاقوں میں لینڈ سلائیڈنگ ہوئی ہے وہاں متبادل بائی پاس روڈ بنانے کے لئے ہنگامی بنیادوں پر انتظامات کئے جا رہے ہیں جبکہ چھوٹے موٹے لینڈ سلائیڈنگ کو کھولنے کے لئے شاہرات ڈویژن نے مشیبنری کا بندوبست کر لیا ہے۔اس سلسلے میں ایکسیویٹر اور بلڈوزر کو ہنگامی بنیادوں پر متعلقہ جگہ پر بھیج دیا گیا ہے اور جن علاقوں میں بڑی لینڈ سلائیڈنگ ہوئی ہے وہاں پر بائی پاس کے لئے بھی ہنگامی بنیاد پر کام ہو رہا ہے شدید بارشوں کی وجہ سے کام کی رفتار آہستہ ہے تاہم بارشوں کی شدت میں کمی آنے کے بعد اس بات کا امکان ہے کہ محکمہ اپنا کام جلد مکمل کرے گا انوہں نے لوگوں سے اپیل کی کے دور دراز علاقوں کا سفر کرنے سے گریز کریں یہ بھی معلوم ہوا ہے کہ نیلم ویلی شہاردہ‘ اٹھ مقام‘ کہل‘ باغ‘ راولاکوٹ‘ حویلی میں شدید برف باری کے باعث بچوں میں نمونیا چسٹ انفیکشن کھانسی اور فلو جیسی بیماریوں میں یکدم اضافہ ہو گیا ہے۔ وزارت صحت کے مطابق عوام کو ہدایت جاری کی گئی ہے کہ شدید سردی میں بچوں کے لئے گرم کپڑوں کے علاوہ انکی صحت کے پیش نظر تمام حفاظتی تدبیر کا خیال رکھیں۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.