بارشوں اورژالہ باری کے باعث مقبوضہ وادی میں باغات اور فصلیں تباہ

جمعہ 15 مئی 2015 12:25

سرینگر (اُردو پوائنٹ اخبار تازہ ترین۔ 15 مئی۔2015ء) مقبوضہ وادی کشمیرمیں موسم کی غیر یقینی صورتحال کی وجہ سے جنوبی اور وسطی کشمیر میں بارشوں اور شدید ژالہ باری کی سے پھلوں کے باغات اور دیگر فصلوں کو شدید نقصان پہنچا ہے ۔

(جاری ہے)

جنوبی کشمیر کے علاقوں لارنو، اہلن گڈول، نوبگ، ڈیوسو، ڈکسم، متی گارن، سوف شالی، کھارپورہ، پنیگام، ماگام، دوہر،اکنگام،ہٹہ مرہ ، مٹن جبکہ وسطی کشمیر کے علاقوں مجہ پتھری، بست وڈر، لانی تب، ہیل نار، ہیل کچھواری، تراج کھل،آری زال، ریار اور گوجہ تھاجی اورترال کے علاقوں ناگہ بل،ماچھامہ،برن پتھری اور ملحقہ علاقوں میں شدید ژالہ باری سے پھلوں کے باغات،دھان کی پنیری ، اخروٹ ،بادام اور سبزیوں کو شدید نقصان پہنچاہے ۔

مقامی لوگوں نے صحافیوں کو بتایا ہے کہ ژالہ باری کی شدت کا اندازہ اس بات سے لگایا جا سکتا ہے کہ دیکھتے ہی دیکھتے زمین پر برف کی دبیزتہہ بچھ گئی اور فصلیں تباہ ہو گئی ۔انہوں نے بتایا کہ ژالہ باری کے دوران ایسا لگ رہا تھا کہ مکانوں کی چھتوں پر جیسے پتھراؤ کیا جا رہا ہو۔

Facebook Twitter Google + Share on Whatsapp

بارشوں اورژالہ باری کے باعث مقبوضہ وادی میں باغات اور فصلیں تباہ

متعلقہ عنوان :

مزید کشمیر کی خبریں