لاہور سمیت پنجاب کے مختلف شہروں میں بارش سے موسم خوشگوار ہو گیا

منگل 23 جون 2015 18:24

لاہور ۔23 جون (اُردو پوائنٹ اخبار تازہ ترین۔ 23 جون۔2015ء) لاہور سمیت پنجاب کے مختلف شہروں میں موسلادھار بارش سے موسم خوشگوار جبکہ گرمی کا زور ٹوٹ گیا۔شدید گرمی اور حبس کے بعد گہرے بادل آئے اور رم جھم رم جھم بارش برسی جس سے پیاسی زمین سیراب ہو گئی اور موسم خوشگوار ہو گیا۔ بارش سے روزے داروں کے چہرے بھی کھل اٹھے اور شدید گرمی سے تنگ روزے داروں نے سکھ کا سانس لیا۔

(جاری ہے)

لاہور‘ساہیوال‘اوکاڑہ‘خانیوال‘لودھراں‘چیچہ وطنی‘میاں چنوں‘بہاولپور‘اوچ شریف‘بورے والا سمیت دیگر متعدد شہروں میں بارش ہوتے ہی گرمی سے بے حال نوجوان اور بچے نہانے کیلئے گھر کی چھتوں اور سڑکوں پر نکل آئے اور موسم خوشگوار ہونے پر سکھ کا سانس لیا۔دریں اثناء محکمہ موسمیات کے مطابق آئندہ 24 گھنٹوں میں لاہور‘گوجرانوالہ‘فیصل آباد‘ڈی جی خان‘بہاولپور‘ملتان سمیت دیگر ڈویژنز میں گرد آلودہ ہواؤں اور گرج چمک کے ساتھ مزید بارش کا امکان ہے۔