ظلم اور نا انصافی کی چکی میں پسنے والے عوام تبدیلی کے لیے جماعت اسلامی کا ساتھ دیں،عبدالرشید ترابی
عوام انتخابات کے موقع پر درست فیصلے کریں تو ان کے مسائل حل ہوسکتے ہیں جماعت اسلامی حقیقی تبدیلی کا ایجنڈا لے کر نکلی ہے نوجوان دل برداشتہ ہونے کے بجائے حقیقی تبدیلی کے لیے جماعت اسلامی میں شامل ہوں،جماعت اسلامی علاقوں برادریوں کے دائروں سے ،افطار ڈنر میں شرکاء سے خطاب
منگل 30 جون 2015 17:34
باغ (اُردو پوائنٹ اخبار تازہ ترین۔ 30 جون۔2015ء) جماعت اسلامی آزاد جموں وکشمیر کے امیر عبدالرشید ترابی نے کہا ہے کہ ظلم اور نا انصافی کی چکی میں پسنے والے عوام تبدیلی کے لیے جماعت اسلامی کا ساتھ دیں،عوام 67سال سے استحصالی نظام کی وجہ سے مسائل زدہ ہیں حکومتوں کی توجہ عوامی مسائل پر نہیں رہی عوام انتخابات کے موقع پر درست فیصلے کریں تو ان کے مسائل حل ہوسکتے ہیں جماعت اسلامی حقیقی تبدیلی کا ایجنڈا لے کر نکلی ہے نوجوان دل برداشتہ ہونے کے بجائے حقیقی تبدیلی کے لیے جماعت اسلامی میں شامل ہوں،جماعت اسلامی علاقوں برادریوں کے دائروں سے نکل کر قرآن وسنت کے نظام پر یقین رکھتی ہے عدل و انصاف پر مبنی نظام کا قیام ہمارا مشن ہے ان خیالات کااظہار انہوں نے نزاکت حسین کی طرف سے دئیے گئے افطار ڈنر میں شرکاء سے خطاب کرتے ہوئے کیا ،اس موقع پر سردار مقصود صابر،خورشید سدھن،نثار شائق،تنویر انور خان،مولانا ہدایت اللہ ،سردار اقبال سمیت دیگر قائدین نے خطاب کیا،شرکاء سے خطاب کرتے ہوئے عبدالرشید ترابی نے کہا کہ تمام سیاسی پارٹیاں مفادات کے کلبوں کا روپ دھار چکی ہیں باطل نظام فیل ہوچکا ہے اور اس کے محافظ بھی آخری ہچکیاں لے رہے ہیں عوام تبدیلی چاہتے ہیں تو جماعت اسلامی میں ان کے لیے پلیٹ فارم فراہم کردیاہے 67سالوں سے باریاں لگانے والی روایتی پارٹیاں اور قیادتیں بری طرح ناکام ہوچکی ہیں وہ صرف اپنے تجوریاں بھرنے میں مصروف ہیں غریبوں کے مسائل کے حل سے ان کوئی سروکار نہیں ہے جماعت اسلامی علاقوں برادریوں کے دائروں سے نکل کر انقلاب کی جدوجہدکر رہی ہے اور اس انقلاب کی جدوجہدکررہی ہے جس کی خاطر ہمارے آباواجداد نے یہ خطہ آزاد کروایا تھا انہوں نے کہاکہ رمضان المبارک کے مقدس مہینے میں اللہ کے ساتھ اور اس کے قرآن کے ساتھ تعلق کو مضبوط کریں اللہ کو راضی کریں اللہ کے نظام کے قیام کے لیے جدوجہد کریں روزہ یہی درس دیتا ہے ،اللہ کی زمین پر اللہ کی رٹ قائم کرنے سے ہی عدل بھی ہو گا اور لوگوں کے مسائل بھی حل ہوں گے انہوں نے کہا کہ اللہ کے نظام چھوڑ کر آج ہم مسائل کا شکار ہیں اسلامی تعلیمات سے دوری اللہ کے عذاب کا باعث ہے انہوں نے کہا کہ ظلم و ناانصافی پر مبنی نظام کے خلاف جہاد کرنا ہر مسلمان پر اسی طرح فرض ہے جس طرح نماز اور روزہ فرض ہے ۔
`متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.