نواز شریف نے جنرل اسمبلی میں اپنے خطاب میں مسئلہ کشمیر کے حل کیلئے حقیقت پسندانہ موقف اپنا یا ؛وزیراعظم آزاد کشمیر
جمعرات 1 اکتوبر 2015 16:41
اسلام آباد(اُردو پوائنٹ اخبار تازہ ترین۔ یکم اکتوبر۔2015ء) وزیر اعظم آزاد حکومت ریاست جموں وکشمیر چوہدری عبدالمجیدنے کہا کہ وزیراعظم پاکستان میاں محمد نواز شریف نے جنرل اسمبلی میں اپنے خطاب کے دوران مسئلہ کشمیر کے حل کے حوالے سے جو حقیقت پسندانہ موقف اپنا یا حکومت آزادکشمیر اور کشمیری عوام ان کے شکر گزار ہیں اور کشمیریوں کے حق خودارادیت کے حوالے سے جراء ت مندانہ خطاب پرخراج تحسین پیش کرتے ہیں۔
وزیراعظم پاکستان میاں محمد نواز شریف نے اپنے خطاب میں اقوام متحدہ کی کشمیریوں کے حق خودارادیت کے حوالے سے سلامتی کونسل کی قراردادوں پر عملدرآمد نہ کرانے کا احساس دلایا اور مطالبہ کیا کہ سلامتی کونسل کی ان قراردادوں پر عملدرآمد کروایا جائے یہ وزیراعظم پاکستان کے خطاب کا منفرد پہلو ہے۔(جاری ہے)
وزیراعظم آزادکشمیر نے کہاکہ حق خودارادیت ریاست جموں وکشمیر کے عوام کا بین الاقوامی طور پر تسلیم شدہ حق ہے جسے بھارت نے خود اقوام متحدہ میں تسلیم کررکھا ہے۔
وزیراعظم آزادکشمیر نے اس موقع پر آزادی پسند دنیا سے اپیل کی کہ وہ ریاست جموں وکشمیر کے عوام کو استصواب رائے کا حق دلوائیں تاکہ ریاست جموں وکشمیر کے عوام اپنے مستقبل کا خود فیصلہ کرسکیں۔وزیراعظم آزادکشمیر نے کہاکہ مقبوضہ کشمیر میں قابض بھارتی حکمرانوں کی طرف سے انسانی حقوق کی سنگین پامالیاں آزادی پسند دنیا کے لیے لمحہ فکریہ ہیں۔
وزیراعظم آزادکشمیر نے کہاکہ آزادی پسند دنیا مقبوضہ کشمیر میں انسانی حقوق کی سنگین پامالیاں بند کرائیں اور ریاستی دہشت گردی کے ذریعے کشمیریوں کے حقوق غصب کرنے سے بھارت کو باز رکھیں۔وزیراعظم آزادکشمیر نے کہاکہ ریاست جموں وکشمیر کے عوام نے اقوام متحدہ کی قراردادوں کے مطابق اپنی جدوجہد جاری رکھی ہوئی ہے بھارت کے انتہا پسند حکمرانوں نے آٹھ لاکھ پیرا ملٹری فورسز کے ذریعے کشمیریوں کے حقوق غصب کررکھے ہیں اور کشمیریوں کی منظم نسل کشی شروع کررکھی ہے۔ وزیراعظم آزادکشمیر نے کہاکہ بھارت نے مقبوضہ کشمیر کو ملٹری کیمپ میں تبدیل کررکھا ہے اور مقبوضہ کشمیر پر اپنے جابرانہ تسلط کو برقرار رکھنے کے لیے افسپاء اور دیگر کالے قوانین نافذ کررکھے ہیں ۔مقبوضہ کشمیر کی صورتحال آزادی پسند دنیا کے لیے لمحہ فکریہ ہے۔وزیراعظم آزادکشمیر نے اس موقع پر مقبوضہ کشمیر میں انسانی حقوق کی سنگین پامالیوں اور ایل او سی پر بلا اشتعال بھارتی گولہ باری کی شدید مذمت کرتے ہوئے مسلح افواج کو خراج تحسین پیش کیا جو کشمیریوں کی عزت وناموس کی محافظ ہیں۔وزیراعظم آزادکشمیر نے آرمی چیف جنرل راحیل شریف کو خراج تحسین پیش کرتے ہوئے کہاکہ ان کے جراء ت مندانہ موقف اور اقدامات سے کشمیریوں کی تحریک کو نیا حوصلہ ملا ہے اور دونوں اطراف کے کشمیری انہیں خرا ج تحسین پیش کرتے ہیںمتعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.