وزیر دفاع خواجہ آصف کی ورلڈ انرجی کونسل کی سائیڈ لائن پر ترک صدر اور وزیراعظم سے ملاقاتیں٬ مقبوضہ کشمیر میں بھارتی مظالم سے آگاہ کیا

کشمیرکا مسئلہ پر پاکستان کے ساتھ مکمل یکجہتی کرتے ہیں ٬ بن علی یلدرم کی یقین دہانی روس کے صدر ولادی میر پیوٹن سے بھی ملاقات ٬پاک روس دوطرفہ تعلقات پر تبادلہ خیال

پیر 10 اکتوبر 2016 22:30

وزیر دفاع خواجہ آصف کی ورلڈ انرجی کونسل کی سائیڈ لائن پر ترک صدر اور ..

استنبول(اُردو پوائنٹ اخبارتازہ ترین - آئی این پی۔ 10 اکتوبر2016ء) وفاقی وزیر دفاع٬ پانی و بجلی خواجہ محمد آصف نے ترک صدر رجب طیب اردگان اور وزیراعظم بن علی یلدرم سے ملاقات کی جس میں انہیں مقبوضہ کشمیر میں بھارتی مظالم سے آگاہ کیا ۔

(جاری ہے)

پیر کو وزیر دفاع ٬ پانی و بجلی خواجہ محمد آصف نے ورلڈ انرجی کونسل کی سائیڈ لائن پر ترک وزیراعظم بن علی یلدرم سے استنبول میں ملاقات کی جس میں انہوںنے ترک وزیراعظم کو مقبوضہ کشمیر میں ہونے والے بھارتی مظالم سے آگاہ کیا جس پر ترک وزیراعظم نے اسے پی کے کے کی طرح کا مسئلہ قرار دیا اورخواجہ آصف کو مکمل یکجہتی اور ہرقسم کے تعاون کی یقین دہانی کروائی۔

خواجہ محمد آصف نے ترک صدر رجب طیب اردگان سے بھی ملاقات کی جس میں باہمی دلچسپی کے امور اور خیر سگالی پر بات چیت کی ۔ وزیر دفاع نے روس کے صدر ولادی میر پیوٹن سے بھی کونسل کی سائیڈ لائن پر ملاقات کی اور پاک روس دوطرفہ تعلقات پر تبادلہ خیال کیا ۔