شدید بارشیں برفباری ، بالائی نیلم کی سڑک 15 روز سے بند ،عوام گھروں میں محصور

مظفرآباد(اُردو پوائنٹ اخبارتازہ ترین - این این آئی۔ 30 جنوری2017ء) شدید بارشیں برفباری ، بالائی نیلم کی سڑک 15 روز سے بند ،عوام گھروں میں محصور ،شاہراہ نیلم پر جگہ جگہ سلائیڈنگ کے باعث مسافر موت کے منہ میں سفر کرنے پر مجبور ،عوامی خدمت کے دعویدار منظر عام سے غائب ،محکمہ برقیات نے مشکل حالات میں بجلی بحال کرکے بہترین کارکردگی کا ثبوت دیاجس پر وہ خراج تحسین کے مستحق ہیں، ایس سی او حکام کی کارکردگی بھی قابل فخر ہے ،تاہم ن لیگ کی حکومت کو بالائی نیلم کی روڈ بندش پر خصوصی توجہ دینا چائیے ۔

تاکہ عوام مسائل حل ہوسکیں۔ان خیالات کااظہار پاکستان پیپلزپارٹی نیلم کے سابق ضلعی صدر وایڈمنسٹریٹر ضلع کونسل نیلم عبدالرشید خان نے گزشتہ روز میڈیا کے نمائندوں سے گفتگو کرتے ہوئے کہاکہ بالائی نیلم روڈ 15 ایام سے بند ہے ، جوحکومت کے لیے لمحہ فکریہ ہے ، ماضی میں پورے پانچ سال 5 گھنٹے سے زائد بندش نہیںہونے دی ۔

(جاری ہے)

عوام گواہ ہیں سردیوں میں برفباری کی وجہ سے اور گرمیوں میں بھارت کی جارحیت کی وجہ سے اگر نیلم ویلی روڈ پر موت کے سائے منڈلاتے رہے تو نیلم کے عوام کو کدھر جائیں گے ۔

حکومت فوری طور پر ایسے حا لات میں توجہ دے ۔ جو ادارہ نیلم کے عوام کی بہتری کیلئے دن رات محنت کریگا۔ اسی کی حوصلہ افزائی کی جائے گی ۔ محکمہ برقیات بالائی نیلم شاردہ ڈویژن مبارکباد دیتاہوں کہ پہلی برفباری میں مشکل حالات میں دو دن کے اندر بجلی بحال کرنا بڑا کارنامہ ہے ۔ حال میں بھی ایک دن کے اندر اندر بالائی نیلم کی بجلی بحالی کی یقین دہانی اچھا اقدام ہے ۔

اس موقع پر عبدالرشید خان نے سپیکر اسمبلی شاہ غلام قادر کے نیلم کے مختلف محکمہ جات میں انتظامیہ آفیسران کی تعینا تی کاخیر مقدم کرتے ہوئے کہاکہ سپیکر اسمبلی شاہ غلام قادر نے محکمہ تعلیم نسواں میں نیلم سے میرٹ پر ڈی ای او نیلم کی تعیناتی کرکے نیلم کے افیسران کی حوصلہ افزائی کرنے کیساتھ ساتھ محکمہ تعلیم کو میرٹ کے ڈگر پر چلایاہے ۔ انہوں نے کہاکہ برائے نام اپوزیشن کرنے کاعادی نہیں ہوں جہاں منفی اقدامات ہوں گے ضروری میڈیا کے سامنے لائوں گا اور کارکنوں کی پشت پر کھڑا ہوں گا۔حکومت کے اچھے کاموں کی تعریف بغیر حسد کے کرنا جانتا ہوں۔