ہزاروں پاکستانیوں کاقذافی اسٹیڈیم آکر دہشتگردوں کو واضح پیغام ،پی ایس ایل فائنل کے موقع پر جوش و خروش دیدنی تھا
شائقین کرکٹ مقررہ وقت سے کئی گھنٹے قبل ہی پہنچ گئے ،کسی جگہ کوئی بد نظمی نہ ہوئی ،قانون نافذ کرنے والے اداروں سے بھرپور تعاون کیا گیا تین بجے دروازے کھلنے کے بعد عوام کو ٹکٹ،شناختی کارڈ ،بائیو میٹرک تصدیق کے بعد اندر داخل ہونے دیا گیا ،فضائی نگرانی بھی کی جاتی رہی وزیر اعلیٰ شہباز شریف ،وزیر قانون ، چیف سیکرٹری ، آئی جی ،پاک فوج کے افسران ،سی سی پی او،ڈی آئی جی نے سکیورٹی انتظامات کا جائزہ لیتے رہے کھلاڑیو ں اور آفیشلز کو انتہائی سخت سکیورٹی میں ہوٹل سے اسٹیڈیم لایا گیا ، مختلف شاہراہوں کو عام ٹریفک کے لئے بند رکھا گیا لاہوریوں نے اپنی فیملیوں کے ساتھ گھروں میں اکٹھے بیٹھ کر میچ دیکھا ،چائے کے ہوٹلوں، باربر شاپس پر بھی میچ دیکھنے والوں کا رش
اتوار 5 مارچ 2017 22:20
(جاری ہے)
فائنل میچ دیکھنے کیلئے ٹکٹیں حاصل کرنے والے شائقین کرکٹ اسٹیڈیم کے دروازے کھلنے کے مقررہ وقت سے کئی گھنٹے پہلے ہی اسٹیڈیم کے باہر پہنچ گئے ۔ کسی جگہ کوئی بد نظمی نہ ہوئی جبکہ قانون نافذ کرنے والے اداروں سے بھرپور تعاون کیا گیا ۔
اسٹیڈیم آنے والے بچے ، خواتین اور جوان اپنے چہروں پر پاکستانی جھنڈے اوراپنی پسند کی ٹیموںکے نام کی پینٹنگ کراتے رہے جبکہ اس موقع پر کئی شائقین کرکٹ نے اپنی پسندیدہ ٹیموں کو سپورٹ کرنے کے لئے مختلف روپ دھار رکھے تھے ۔ پارکنگ پوائنٹس پر آنے والے شائقین کرکٹ کو فری شٹل سروس کے ذریعے اینٹری پوائنٹس تک لایا جاتا رہا جنہیں اسٹیڈیم میں داخلے کیلئے اعلان کردہ وقت پر واک تھرو گیٹس سے گزار کر ٹکٹ ،شناختی کارڈ دیکھنے اور بائیو میٹرک تصدیق کے بعد اجازت دی گئی ۔ قبل ازیں وزی راعلیٰ پنجاب محمد شہباز شریف ، وزیر قانون رانا ثنا اللہ خان، چیف سیکرٹری پنجاب،آئی جی پنجاب ، پاک فوج ، رینجرز کے افسران، سی سی پی او ، ڈی آئی جی آپریشنز سکیورٹی انتظامات کا جائزہ لینے کے لئے دورہ کیا ۔ اس موقع پر ہیلی کاپٹرز کے ذریعے فضائی نگرانی بھی کی جاتی رہی ۔وزیر اعلیٰ پنجاب محمد شہباز شریف کی ہدایات پر صوبائی وزراء اور اراکین اسمبلی مختلف شاہراہوں پر ٹریفک کو کنٹرول کرنے اور نظم و ضبط بر قرر رکھنے کے لئے فرائض سر انجام دیتے رہے۔مقررہ وقت پر کوئٹہ گلیڈی ایٹرز اور پشاور زلمی کے کھلاڑیوں اور آفیشلز کو انتہائی سخت سکیورٹی حصار میں ہوٹل سے قذافی اسٹیڈیم پہنچایا گیا ۔ اس دوران شاہراہوں کو عام ٹریفک کے لئے بند رکھا گیا جبکہ روٹ سے ملحقہ راستوںپرکنٹینرز کھڑے رکھے گئے ۔ کھلاڑیوں کے اسٹیڈیم پہنچتے ہی تمام راستوںں کو عام ٹریفک کے لئے کھول دیا گیا ۔پاک فوج ، رینجرز اور پولیس سمیت دیگر قانون نافذ کرنے والے اداروں کی طرف سے قذافی سٹیڈیم اور اس کے اطراف میں سخت حفاظتی اقدامات کیے گئے ہیں ۔اسٹیڈیم کی مرکزی عمارت اور مختلف سٹینڈز میں فوجی جوان تعینات رہے ۔قذافی ا سٹیڈیم سے متصل ہاکی سٹیڈیم میں ہنگامی صورت حال سے نمٹنے کے لیے 25 بستروں کا ہسپتال بھی بنایا گیا ۔لاہور کے علاوہ آزاد کشمیر ، گلگت بلتستان سمیت چاروں صوبوں اور بیرون ممالک سے بھی لوگ فائنل دیکھنے کے لیے لاہور پہنچے ۔علاوہ ازیں لاہوریوں نے اپنے گھروں پر فیملیوں کے ہمراہ بیٹھ کر میچ دیکھا جبکہ اس دن کی مناسبت سے خواتین کی طرف سے خصوصی پکوان تیار کئے گئے ۔چائے کے ہوٹلوں اور باربر شاپس پر بھی میچ دیکھنے والوں کا انتہائی رش دیکھنے میں آیا ۔متعلقہ عنوان :
مزید اہم خبریں
-
حکومت نے پٹرولیم مصنوعات کی قیمتوں میں بڑی کمی کر دی
-
غزہ: جنگ میں شدت جبکہ امدادی اداروں کو قحط کا خدشہ
-
ہوم سیکرٹری نورالامین مینگل کیخلاف جنسی زیادتی کا مقدمہ درج کرنے کی درخواست پر پیشرفت
-
پنجاب پولیس نے آئندہ مالی سال کیلئے 1کھرب 97ارب روپے کا بجٹ مانگ لیا
-
نیب قانون میں ترامیم کا کیس، بانی پی ٹی آئی کی ویڈیولنک پر پیشی کے انتظامات مکمل کرلئے گئے
-
عمران خان نے مذاکرات کیلئے حامی بھرلی، چودھری پرویز الٰہی کا دعویٰ
-
پاکستان تحریک انصاف کا چیف جسٹس آف پاکستان اور چیف الیکشن کمشنر فوری اپنے عہدوں سے ہٹ جانے کا مطالبہ
-
نو مئی کی معافی مانگنے کیلئے تیار نہیں ہیں تو ان کا رونا دھونا جاری رہے گا کسی کو دہشت گردی کا حق نہیں یہ کھلم کھلا دہشت گردی ہے ،بلاول بھٹو زرداری کا قومی اسمبلی میں اظہار خیال
-
پاکستان سے دہشت گردی کیخلاف کوششیں بڑھانے پر اتفاق ہوا ہے، امریکا
-
رواں مالی سال 9 ماہ میں بڑی صنتوں کی کارکردگی رپورٹ جاری
-
اڈیالہ سے آنیوالی اطلاعات پریشان کن ہیں، علی زیدی
-
وزیراعلیٰ خیبرپختونخوا نے حکومت کو آج رات تک لوڈشیڈنگ شیڈول جاری کرنے کی ڈیڈلائن دےدی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.