پاکستان رواں برس چین میں ہونیوالی صنعتی نمائش، سرمایہ کاری میلے میں بطورچئیرمین شریک ہو گا

میلے کا انعقاد12سے 28جون تک کھن منگ میں کیا جائے گا ، اس میں جنوب اور جنوب مشرقی ایشیائی ممالک کے مابین معاشی تجارتی منصوبوں پر دستخطوں سمیت مختلف شعبوں میں باہمی تعاون کے متعدد معاہدے طے پائیں گے

بدھ 22 مارچ 2017 16:07

پاکستان رواں برس چین میں ہونیوالی صنعتی نمائش، سرمایہ کاری میلے میں ..

بیجنگ(اُردو پوائنٹ اخبارتازہ ترین - آئی این پی۔ 22 مارچ2017ء) پاکستان رواں برس چین کے صوبہ یوئنان کے دورالحکومت کھن منگ میں منعقد ہونیوالی جنوب اور جنوب مشرقی ایشیائی ممالک کی مصنوعات کی نمائش اور سرمایہ کاری میلے میں بطور چئیرمین شریک ہو گا ، میلے کا انعقاد12سے 28جون تک کیا جائے گا ، میلے میں جنوب اور جنوب مشرقی ایشیائی ممالک کے مابین معاشی تجارتی منصوبوں پر دستخطوں سمیت مختلف شعبوں میں باہمی تعاون کے متعدد معاہدے طے پائیں گے ۔

چائنہ ریڈیو انٹرنیشنل کے مطابق اہم معاشی سرگرمی اور آگاہی کے حوالے سے بیجنگ میں ایک تقریب کا آغاز کیا گیا جس میں لاوس، کمبوڈیا، میانمار،انڈونیشیا، برونائی ،ویتنام ،تھائیلینڈ،سنگاپور، ملائیشا،نیپال ،بھارت ،بنگلہ دیش، مالدیپ، سری لنکا ،گیانا اور تاجکستان سے تعلق رکھنے والے مندوب شامل تھے ۔

(جاری ہے)

اس موقع پر شرقاء نے چین اور جنوب ،جنوب مشرقی ایشیائی ممالک کے درمیان تجارتی معاشی روابط کے فروغ کیلئے کھن منگ میں منعقد ہونیوالے سرمایہ کار میلے کو نہایت اہم قرار دیا شرکا کا کہانا تھا کہ اس میلے کے انعقاد سے چین اور دیگر ممالک میں تخلیقی اقدامات اور ترقی کے حوالے سے تبادلہ خیال اور ایک دوسرے کے تجربات سے استفادے کے مواقع میسر آئیں گے ۔

شرکا نے چین کے دی بیلٹ اینڈ روڈ منصوبے کو عالمی معاشی ترقی کا وژن قرار دیتے ہوئے کہا کہ اس تقریب سے جہاں بیلٹ اینڈ روڈ پر واقع ممالک کے درمیان اقتصادی روابط فروغ پائیں گے وہاں اس منصوبے کی ترقی بھی ممکن ہو سکے گی ۔ تقریب میں شریک پاکستان کے منود عامر خان نے کہا کہ پاکستان سرمایہ کاری میلے میں بھر پور طریقے سے شرکت کرے گا ۔ انہوں نے کہا پاکستان کے کاروباری ادارے اس سرمایہ کاری میلے میں شریک ہونگے اور مختلف شعبوں میں باہمی تعاون کے متعدد معاہدے طے پائیں گے محمد عامر خان نے کہا چین پاک اقتصادی راہداری منصوبہ دی بیلٹ اینڈ روڈ کا فلیگ شپ منصوبہ ہے جو پاکستان کی سماجی معاشی ترقی کیلئے کلیدی اہمیت کا حامل ہے انہوں نے کہا چین اور پاکستان کے باہمی تعلقات انتہائی گہرے ہین اور سی پیک منصوبہ پورے خطے کی معاشی ترقی کیلئے مفید ثابت ہو گا ۔

اس موقع پر شرکا کو چین کے صوبہ یوئنان کی تجارتی معاشی اہمیت کے حوالے سے ایک دستاویزی پروگرام کے زریعے بریفنگ بھی دی گئی