وزیراعظم آزادکشمیر کا آزادکشمیر کے عوام کو رمضان المبارک میں ریلیف دینے کیلئے آٹے کی قیمتوں میں کمی کافیصلہ

خصوصی رمضان پیکج کے تحت یہ آٹا آزادکشمیر کے تمام سرکاری ڈپوؤں پر دستیاب ہوگا‘ اس سلسلہ میں دو روز کے اندر اندر نوٹیفکیشن جاری ہوجائے گا

پیر 22 مئی 2017 15:05

وزیراعظم آزادکشمیر کا آزادکشمیر کے عوام کو رمضان المبارک میں ریلیف ..

اسلام آباد(اُردو پوائنٹ اخبارتازہ ترین - این این آئی۔ 22 مئی2017ء) وزیراعظم آزادکشمیر راجہ فاروق حیدر خان نے آزادکشمیر کے عوام کو رمضان المبارک میں ریلیف دینے کیلئے آٹے کی قیمتوں میں کمی کرنے کافیصلہ کیا ہے ۔

(جاری ہے)

اس کے علاوہ رمضان المبارک میں عوام کو کم نرخوں پر اشیائے خوردونوش مہیا کرنے کیلئے یوٹیلٹی سٹورزپر کم قیمت میں اشیائے خوردونوش فراہم کرنے کیلئے وفاقی حکومت سے آزادکشمیر کیلئے دگنا اضافہ کروالیا ہے ۔

آزادکشمیر میں قائم تمام یوٹیلٹی سٹورز اشیائے خوردونوش کم قیمت پر یکم رمضان سے دستیاب ہوں گے ۔ اس کے علاوہ آٹے کے نرخوں میں 150روپے فی من کمی کرنے کا فیصلہ کیا ہے ۔ خصوصی رمضان پیکج کے تحت یہ آٹا آزادکشمیر کے تمام سرکاری ڈپوؤں پر دستیاب ہوگا۔ اس سلسلہ میں دو روز کے اندر اندر نوٹیفکیشن جاری ہوجائے گا۔