کراچی ،سندھ حکومت مون سون کے پہلے امتحان میں ناکام،

بارش کا پانی تاحال نہ نکالا جاسکا جگہ جگہ گندگی کے ڈھیر، کچرا اور گندا پانی ملنے سے تعفن اٹھنے لگا، بلدیاتی اداروں نے بھی آنکھیں بند کر لیں، کئی علاقوں میں بجلی بھی غائب

ہفتہ 1 جولائی 2017 16:33

کراچی ،سندھ حکومت مون سون کے پہلے امتحان میں ناکام،

کراچی (اُردو پوائنٹ اخبارتازہ ترین - این این آئی۔ 01 جولائی2017ء) کراچی سے بارش کا پانی تاحال نہیں نکالا جاسکا، بیشتر سڑکیں اب بھی پانی میں ڈوبی ہوئی ہیں، ٹریفک کی روانی بری طرح متاثر، کچرا اور گندا پانی ملنے سے تعفن اٹھنے لگا، مختلف علاقوں میں بجلی کی فراہمی بھی معطل ہے۔تفصیلات کے مطابق بارش تھمے دو ن ہوگئے لیکن کراچی کی بیشتر سڑکیں اب بھی پانی میں ڈوبی ہوئی ہیں، جگہ جگہ گندگی کے ڈھیر اور گندا پانی انتظامیہ کی نااہلی کی داستان بیان کررہا ہے۔

کراچی کے علاقہ سہراب گوٹھ میں پل کے نیچے بارش کا پانی تاحال کھڑا ہے، جس کے باعث ٹریفک کی روانی متاثر ہے، لوگوں کی زندگی عذاب میں ہے۔نرسری، شاہ فیصل کالونی، ملیر سمیت کئی علاقوں میں گندگی کے ڈھیرے ہیں، کورنگی، لیاقت آباد، لائنز ایریا، اورنگی ٹاؤن میں بھی کچرا ہی کچرا نظر آرہا ہے، کچرے میں گندا پانی ملنے سے تعفن اٹھنے لگا ہے، شہریوں کا جینا دوبھر ہوگیا ہے۔

(جاری ہے)

سندھ حکومت اور بلدیاتی نمائندوں کے پانی نکالنے کے دعوے بھی غلط ثابت ہوئے، بارش کے باعث روٹھی بجلی کئی علاقوں میں نہیں آئی، گلشن اقبال، کورنگی، اصفہانی روڈ، اتحاد ٹان، گلشن معمار، صفورہ گوٹھ، گلستان جوہر، شاہ فیصل کالونی اور ملت ٹان میں 24 گھنٹے سے بجلی بند ہے، شہری رات بھر اذیت سے دوچار رہے اور کے الیکٹرک کو کوستے رہے۔

Facebook Twitter Google + Share on Whatsapp

کراچی ،سندھ حکومت مون سون کے پہلے امتحان میں ناکام،

متعلقہ عنوان :

مزید قومی خبریں