ہزارہ، گوجرانوالہ، لاہور، راولپنڈی، پشاور ڈویژن، فاٹا، اسلام آباد ، کشمیر میں تیز ہواوں اور گرج چمک کے ساتھ بارش، بعض مقامات پر موسلادھار بارش کی پیش گوئی

اسلام آباد ۔ (اُردو پوائنٹ اخبارتازہ ترین - اے پی پی۔ 08 اگست2017ء) محکمہ موسمیات نے آئندہ 24گھنٹوں کے دوران ہزارہ، گوجرانوالہ، لاہور، راولپنڈی، پشاور ڈویژن، فاٹا، اسلام آباد اور کشمیر میں کہیں کہیں تیز ہواوں اور گرج چمک کے ساتھ بارش جبکہ بعض مقامات پر موسلادھار بارش کی پیش گوئی کی ہے ۔یہاں جاری بیان کے مطابق اس دوران مالاکنڈ، کوہاٹ، بنوں، قلات اور ژوب ڈویژن میں چند مقامات پر گرج چمک کے ساتھ بارش جبکہ مکران ڈویژن اور سندھ کے ساحلی علاقوں میں ہلکی بارش/بونداباندی کا امکان ہے۔

ملک کے دیگر علاقوں میں موسم گرم اور مرطوب رہے گا۔آئندہ 48گھنٹوں میں ہزارہ، گوجرانوالہ، لاہور، راولپنڈی، پشاور ڈویژن، فاٹا، اسلام آباد د اور کشمیر میں کہیں کہیں تیز ہواووں اور گرج چمک کیساتھ بارش جبکہ بعض مقامات پر موسلادھار بارش کا امکان ہے۔

(جاری ہے)

اس کے علاوہ مالاکنڈ، کوہاٹ، بنوں، قلات اور ژوب ڈویڑن میں چند مقامات پر گرج چمک کے ساتھ بارش جبکہ مکران ڈویڑن اور سندھ کے ساحلی علاقوں میں ہلکی بارش/بونداباندی کا امکان ہے۔

ملک کے دیگر علاقوں میں موسم گرم اور مرطوب رہے گا۔گزشتہ 24 گھنٹوں کے دوران ملک کے بیشتر علاقوں میں موسم گرم اور مرطوب رہا۔ تاہم ہزارہ، لاہور ڈویژن اور کشمیر میں بعض مقامات پر تیز ہواوں اور گرج چمک کے ساتھ بارش ہوئی۔ سب سے زیادہ بارش بالاکوٹ 36، قصور 34، گڑھی دوپٹہ 6 اور کوٹلی میں 2 ملی میٹر ریکارڈ کی گئی۔گزشتہ روز ریکارڈکیے گئے گرم ترین مقامات کے درجہ حرارت کے مطابق دالبندین45، نوکنڈی 44 اور نورپور تھل میں 43 ڈگری سینٹی گریڈ درجہ حرارت ریکارڈ کیا گیا۔