پشاور، ، راولپنڈی، گوجرانوالہ، لاہور، میرپور خاص، فاٹا، گلگت بلتستان اور کشمیر میں چند مقامات پر تیز ہوائوں اور گرج چمک کیساتھ بارش کا امکان

بدھ 9 اگست 2017 15:49

اسلام آباد (اُردو پوائنٹ اخبارتازہ ترین - این این آئی۔ 09 اگست2017ء) محکمہ موسمیات نے آ ئندہ 24گھنٹوں کے دوران مالاکنڈ، ہزارہ، پشاور، مردان، کوہاٹ، راولپنڈی، گوجرانوالہ، لاہور، میرپور خاص، ژوب، قلات ڈویژن، اسلام آباد ، فاٹا، گلگت بلتستان اور کشمیر میں چند مقامات پر تیز ہوائوں اور گرج چمک کے ساتھ بارش کا امکان ہے۔یہاں جاری بیان کے مطابق ملک کے دیگر علاقوں میں موسم گرم اور شدید مرطوب رہے گا جبکہ سندھ کے ساحلی علاقوں میں بعض مقامات پر ہلکی بارش یا بوندا باندی کا بھی امکان ہے۔

آئندہ 48گھنٹوں میں بالائی پنجاب ، بالائی خیبر پختونخوا ، اسلام آباد ، فاٹا، گلگت بلتستان اور کشمیر میں کہیں کہیں تیز ہواوں آندھی اور گرج چمک کے ساتھ بارش کا امکان ہے۔ملک کے دیگر علاقوں میں موسم گرم اور شدید مرطوب رہے گا۔

(جاری ہے)

گزشیہ 24گھنٹوں کے دوران ملک کے بیشتر علاقوں میں موسم گرم اور مرطوب رہا۔ تاہم راولپنڈی،گوجرانوالہ،ہزارہ،کوئٹہ، قلات ڈویڑن، گلگت بلتستان اور کشمیر میں چند مقامات پر تیز ہواووں اور گرج چمک کیساتھ بارش ہوئی۔ سب سے زیادہ بارش اسلام آباد (سید پور39، زیروپوائنٹ 2)،مری 28،سیالکوٹ (سٹی 20، ائیرپورٹ 9)،لاہور( پنجاب یونیورسٹی 10)، خضدار 13،ژوب 5، بارکھان 2، مظفر آباد12،کوٹلی 2، گڑھی دوپٹہ ایک، بالاکوٹ 9 اورکاکول میں 4 ملی میٹر ریکارڈ کی گئی۔