سعودی عرب میں بنگلہ دیشی شہری کے قاتل 2 بھارتی شہریوں کے سرقلم کر دیئے گئے

ہفتہ 14 اکتوبر 2017 12:07

ریاض ۔ (اُردو پوائنٹ اخبارتازہ ترین - اے پی پی۔ 14 اکتوبر2017ء) سعودی عرب میں بنگلہ دیشی شہری بابل حسین جبار کو قتل کرنے والے 2 بھارتی شہریوں کمار بشگر اور لیاقت علی خان رحمان کے سرقلم کر دیئے گئے۔سعودی اخبار کے مطابق وزارت داخلہ نے اعلامیہ جاری کر کے واضح کیا کہ بھارتی شہریوں کمار اورلیاقت علی خان نے بنگلہ دیشی شہری بابل حسین کو دھوکہ دے کر اپنے پاس بلایا۔

(جاری ہے)

ایک نے اس کے پیٹ پر دھار دار آلے سے حملہ کیا جس کے بعد اسے قابو کر کے دوسرے ساتھی کو بنگلہ دیشی کی گردن تن سے جدا کرنے کا موقع فراہم کیا۔ دونوں نے اس کمپنی کی تجوری سے نقدی چوری کی اور فرار ہو گئے۔ پولیس نے رپورٹ ملنے پر دونوں کو تلاش کر کے گرفتار کیا اور عدالتی کارروائی کیلئے پیش کر دیا تھا۔ عدالت نے جرم کی سنگینی کو دیکھتے ہوئے دونوں بھارتیوں کے خلاف حدحرابہ کی سزا سنائی جسے ریاض شہر میں نافذ کردیاگیا۔