لاہور میں امریکی قونصلیٹ کی خاتون کو کالعدم تنظیم کا دھمکی آمیز خط موصول

پاکستان میں امریکا کی حمایت کرنے والوں کو نشانہ بنانے کی دھمکی، دنیا بھر میں امریکیوں کو بھی نشانہ بنانے کی دھمکی

محمد علی بدھ 3 جنوری 2018 23:47

لاہور (اُردو پوائنٹ اخبارتازہ ترین۔ 03 جنوری2018ء) لاہور میں امریکی قونصلیٹ کی خاتون کو کالعدم تنظیم کا دھمکی آمیز خط موصول ہوا ہے۔ تفصیلات کے مطابق لاہور میں واقع امریکی قونصلیٹ میں کام کرنے والی خاتون کو کالعدم تنظیم کا دھمکی آمیز خط موصول ہوا ہے۔

(جاری ہے)

کالعدم تنظیم کے کارندے صدف نامی خاتون کی گاڑی کے شیشے توڑ کر خط گاڑی میں پھینک کر فرار ہوگئے۔ خط میں سنگین دھمکیاں دی گئی ہیں۔ خط میں پاکستان میں امریکا کی حمایت کرنے والوں کو نشانہ بنانے کی دھمکی دی گئی ہے۔ جبکہ خط میں دنیا بھر میں امریکیوں کو بھی نشانہ بنانے کی دھمکی دی گئی ہے۔ خاتون نے اس حوالے سے پولیس میں رپورٹ درج کروا دی ہے۔