کراچی، باتھ آئی لینڈ میں اوگرا ڈائریکٹر کو لوٹ لیا گیا

ڈائریکٹر اوگرا غلام محمد شاہین اپنے انجینئر عون عباس کے ساتھ اوگرا آفس باتھ آئی لینڈ پیدل جارہے تھے کہ لوٹ لیا گیا

منگل 9 ستمبر 2025 11:59

کراچی، باتھ آئی لینڈ میں اوگرا ڈائریکٹر کو لوٹ لیا گیا

کراچی (اُردو پوائنٹ اخبارتازہ ترین - این این آئی۔ 09 ستمبر2025ء)کراچی کے علاقے کلفٹن باتھ آئی لینڈ میں اوگرا کے ڈائریکٹر کو لوٹ لیا گیا۔پولیس کے مطابق واقعہ گزشتہ روز پیش آیا، بوٹ بیسن تھانے میں واقعے کا مقدمہ درج کرلیا گیا۔واقعے کا مقدمہ ڈائریکٹر اوگرا غلام محمد شاہین کی مدعیت میں درج کیا گیا ہے۔

(جاری ہے)

مقدمے کے متن میں کہا گیا ہے کہ ڈائریکٹر اوگرا غلام محمد شاہین اپنے انجینئر عون عباس کے ساتھ اوگرا آفس باتھ آئی لینڈ پیدل جارہے تھے کہ عقب سے 2 موٹر سائیکلوں پر سوار ملزمان آئے۔

متن کے مطابق ملزمان نے مدعی مقدمہ اور عون عباس کا قیمتی موبائل فون چھین، ملزمان نے مدعی کے ہاتھ سے گھڑی بھی چھین لی۔مدعی کا کہنا ہے کہ ملزمان کو سامنے آنے پر شناخت کرسکتا ہوں، واقعہ کی سی سی ٹی وی ویڈیو بھی سامنے آئی ہے جس میں موٹر سائیکل سوار ملزمان کو فرار ہوتے دیکھا جا سکتا ہے۔