عوام ہر سال کشمیریوں کے ساتھ یوم اظہار یکجہتی منا کر تحریک آزادی کشمیر کو مزید مضبوط بناتے ہیں، راجہ محمدفاروق حیدرخان
مقبوضہ کشمیر میں لوگ جو قربانیاں دے رہے ہیں اس کی مثال نہیں ملتی،میاں صاحب نے اقوام متحدہ کی جنرل اسمبلی سمیت دنیا کے ہر بڑے فورم پر کشمیریوں کی بھرپور نمائندگی کی ہے،خطاب
پیر 5 فروری 2018 19:17
(جاری ہے)
وزیر اعظم آزادکشمیر نے کہا کہ پاکستان اور کشمیر ایک ہی جسم کا حصہ ہیں ، کشمیر کے بغیر پاکستان نامکمل ہے ۔
5فروری کو یوم یکجہتی کشمیر کے موقع پر میاں محمد نواز شریف کا دورہ آزادکشمیر تحریک آزادی میں نئی روح پھونکے گا۔ انہوں نے کہا کہ یہاں کے لوگ لائن آف کنٹرول پر کھڑے پاک فوج کے ساتھ پہر ہ دے رہے ہیں اگر بھارت نے آزادکشمیر پر بری نگاہ ڈالی تو اسے اس کا قبرستان بنا دینگے۔ راجہ فاروق حیدرخان نے کہا کہ آزادکشمیر کے لوگ نوازشریف سے بے پناہ محبت کرتے ہیں ،وزارت عظمیٰ سے ہٹنے کے بعد نواز شریف یہاں کے عوام میں زیادہ مقبول ہوئے ہیں ۔ راجہ فاروق حیدرخان نے کہا کہ مسلم لیگ ن کی حکومت نے آزادکشمیر میں تعمیر و ترقی، گڈ گورننس اور میرٹ کی بحالی کیلئے دلیرانہ فیصلے کیے اور ان فیصلوں پر عملدرآمد کے نتیجے میں یہاں کے لوگ مثبت تبدیلی محسوس کررہے ہیں ۔ مسلم لیگ ن یہاں کے عوام کی خدمت جاری رکھے گی اور مقبوضہ کشمیر میں اپنے بھائیوں کی جدوجہد آزادی کی غیر متزلزل حمایت جاری رکھے گی ۔ انہوں نے کہا کہ وہ دن دور نہیں جب مقبوضہ کشمیر کے عوام بھارت کے تسلط سے آزاد ہو کر پاکستانی قوم کے ساتھ آزاد فضائوں میں سانس لے سکیں گے۔ جلسہ عام سے خطاب کرتے ہوئے سیکرٹری جنرل پاکستان مسلم لیگ ن و سپیکر آزاد جموں وکشمیر قانون سازاسمبلی شاہ غلام قادر نے کہا کہ آج کے جلسہ سے مقبوضہ کشمیر میں پیغام جائیگا کہ پاکستان مسلم لیگ ن ہی قائد اعظم کی محافظ ہے ۔ موجود میں موجود ایک ایک کارکن نواز شریف کا نظریاتی ساتھی ہے اور انشاء اللہ ان کے پائیہ استقلال میں کمی نہیں آئے گی ۔ مسلم لیگ ن آزادکشمیر آپ کے ویژن کے مطابق آپ کے ساتھ کھڑی ہے ،یہ لوگ آ پ سے امیدیں رکھتے ہیں جس طرح آپ نے آزادکشمیر کی تعمیر وترقی کیلئے فراخدلانہ فنڈز دیے ہیں یہ قوم آپ کی شکرگزار ہے ۔ شا ہ غلام قادر نے سابق وزیر اعظم و قائد مسلم لیگ ن کو وادی نیلم کا جلسہ کرنے کی دعوت دی۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.