Live Updates

امریکہ پاکستان کو ٹشو پیپر کی طرح استعمال کرتا ہے، افغان مسئلے کا حل صرف مذاکرات ہیں، عمران خان

ڈونلڈ ٹرمپ افغانستان کی تاریخ نہیں سمجھ رہے،افغان امن پاکستان کے حق میں ہے، امریکہ کی جنگ میں شرکت سے ہمارا بڑا نقصان ہوا، امریکہ جو امداد دیتا ہے وہ ہمارے نقصان کے سامنے کچھ بھی نہیں چیئرمین پاکستان تحریک انصاف عمران خان کا روسی ٹی وی کو انٹرویو

پیر 16 اپریل 2018 18:39

امریکہ پاکستان کو ٹشو پیپر کی طرح استعمال کرتا ہے، افغان مسئلے کا حل ..

اسلام آباد (اُردو پوائنٹ اخبارتازہ ترین - آئی این پی۔ 16 اپریل2018ء) پاکستان تحریک انصاف کے چیئرمین عمران خان نے کہا ہے کہ امریکہ پاکستان کو ٹشو پیپر کی طرح استعمال کرتا ہے، افغانستان کے مسئلے کا حل صرف مذاکرات ہیں، ڈونلڈ ٹرمپ افغانستان کی تاریخ نہیں سمجھ رہے،افغانستان میں امن پاکستان کے حق میں ہے، امریکہ کی جنگ میں شرکت سے ہمارا بڑا نقصان ہوا، امریکہ جو امداد دیتا ہے وہ ہمارے نقصان کے سامنے کچھ بھی نہیں۔

پیر کو پاکستان تحریک انصاف کے چیئرمین عمران خان نے روسی ٹی وی کو انٹرویو دیتے ہوئے کہا کہ امریکہ پاکستان کو ٹشو پیپر کی طرح استعمال کرتا ہے، پاکستان کو معاشی بحران کا سامنا ہے، افغانستان میں امن پاکستان کے حق میں ہے، امریکہ جنگ کے ذریعے افغانستان کے مسئلے کا حل چاہتا ہے،امریکہ کی جنگ میں شرکت سے ہمارابڑا نقصان ہوا ہے۔

(جاری ہے)

انہوں نے کہا کہ ڈونلڈ ٹرمپ افغانستان کی تاریخ سمجھ نہیں پا رہا، افغانستان کا مسئلہ فوجی طاقت سے حل کرنے کا فارمولا ناکام ہو گیا، افغانستان کے مسئلے کا حل صرف مذاکرات ہیں، امریکہ جو امداد دیتا ہے وہ ہمارے نقصان کے سامنے کچھ بھی نہیں، امریکی جنگ میں شرکت کے باعث کرکٹ ٹیموں نے پاکستان آنا چھوڑ دیا، ٹرمپ بھی پاکستان سے متعلق وہی کہہ رہے ہیں جو بھارت کہہ رہا ہے۔