ضلعی انتظامیہ کا پی ٹی آئی کو مینار پاکستان پر 29 اپریل کو جلسہ کی اجازت دینے سے انکار

پیر 16 اپریل 2018 21:02

لاہور۔16 اپریل(اُردو پوائنٹ اخبارتازہ ترین - اے پی پی۔ 16 اپریل2018ء) ضلعی انتظامیہ لاہور نے پی ٹی آئی قیادت کو گریٹر اقبال پارک (مینار پاکستان)پر 29 اپریل کو جلسہ کی اجازت دینے سے انکار کر دیا ہے۔

(جاری ہے)

ترجمان ضلعی انتظامیہ نے کہا ہے کہ گریٹر اقبال پارک ایک قومی ورثہ ہے اورکیبنٹ کمیٹی برائے لا اینڈ آرڈرنے گریٹر اقبال پارک کی سکیورٹی اور انفراسٹرکچر کی حفاظت کے پیش نظر اس مقام پر کسی بھی قسم کے سیاسی یا مذہبی اجتماع پر پابندی عائد کر رکھی ہے،ضلعی انتظامیہ نے ناصر باغ میں جلسہ کرنے کا مشورہ دیا ہے۔