نااہل نواز شریف ذہن نشین کر لیں اللہ نے ان کی دراز رسی کھینچ لی‘ڈاکٹر طاہر القادری

قاتل نوازشریف آئندہ الیکشن کی بجائے لوٹ مار کا حساب دینے کی فکر کریں‘اجلاس سے خطاب

منگل 17 اپریل 2018 21:18

نااہل نواز شریف ذہن نشین کر لیں اللہ نے ان کی دراز رسی کھینچ لی‘ڈاکٹر ..

لاہور(اُردو پوائنٹ اخبارتازہ ترین - این این آئی۔ 17 اپریل2018ء) پاکستان عوامی تحریک کے سربراہ ڈاکٹر طاہر القادری نے کہا ہے کہ جنرل ضیاء الحق کے مہرے اور منتخب وزرائے اعظم کے خلاف سازشوں میں شریک رہنے والے نااہل نواز شریف لکھی ہوئی تقریر پڑھ کر کس کو دھوکہ دینے کی کوشش کر رہے ہیں نواز شریف ذہن نشین کر لیں اللہ نے ان کی دراز رسی کھینچ لی، اب تک جتنی تذلیل ہوئی یہ ابتداء ہے، پاکستان کو لوٹنے والے شریف خاندان کا ٹھکانہ جیل اور مقدر ذلت و رسوائی ہے، یہ آئین وقانون کا تقاضا اور خلق خدا کا مطالبہ ہے،ان خیالات کا اظہار انہوں نے وکلاء کے اجلاس سے خطاب کرتے ہوئے کیا۔

انہوں نے کہا کہ مایوس اور’’فرسٹریٹڈ ‘‘نواز شریف کا بیانیہ امپورٹڈ اور ملک میں انتشار پھیلا کر چار دہائیوں پر پھیلی ہوئی خاندانی لوٹ مار کے فیصلوں اور سزائوں سے بچنا ہے۔

(جاری ہے)

پاکستان عوامی تحریک کے سربراہ ڈاکٹر محمد طاہر القادری نے کہا ہے کہ ماڈل ٹائون میں 100لوگوں کو گولیاں مارنا اور 14کو شہید کرنا کون سی جمہوریت اور حق حکمرانی ہی نااہل کو اندازہ ہو گیا ہے کہ اس بار الیکشن ہوئے تو وہ شفاف ہوں گے ان کی پشت پر پولیس پٹواری ہوگی نہ آراوز اس لیے نااہل انتخابی میدان سے بھاگنے کے بہانے ڈھونڈ رہا ہے۔

انہوں نے کہا کہ قاتل نوازشریف آئندہ الیکشن کی بجائے لوٹ مار کا حساب دینے کی فکر کریں۔ قومی ڈاکو قومی امور پر قوم کا وقت ضائع مت کریں۔انہوں نے کہا کہ ووٹ کو عزت دینے کی آڑمیں سپریم کورٹ کے خلاف شرمناک مہم چلانا کون سے ووٹ کی عزت ہی ووٹ کو عزت دو مہم کے بعد نااہل کو ایک بڑی تعداد نے چھوڑ دیا بقیہ 31مئی کے بعد چھوڑتے ہوئے نظر آئیں گے۔

انہوں نے کہا کہ لٹیری اشرافیہ کے جرائم سے عدلیہ نے 30سال صرف نظر کیا،حیرانی ہے کہ ان مجرموں کو اتنی چھوٹ کیوں ملی بروقت نوٹس لے لیا جاتا تو قوم آج فتنہ اشرافیہ کی زد پر نہ ہوتی۔انہوں نے کہا کہ نوازشریف نے سیاست میں کرپشن،لوٹ مار،قتل غارت گری کو داخل کر کے سیاسی،سماجی اخلاقیات کا جنازہ نکالا، انہوں نے کہا کہ 3بار وزیر اعظم رہنے والے کو عدلیہ کے خلاف بد زبانی پر نوٹس ملنا شرمناک اور مرڈوبنے کا مقام ہے۔