افغان پولیس کمانڈر سمیت پانچ افراد بم دھماکے میں ہلاک

بم کمانڈر کی موٹرکارکے ساتھ نصب کیاگیا تھا، حملے میں ایک عام شہری بھی مارا گیا،طالبان نے ذمہ داری قبول کرلی

جمعرات 19 اپریل 2018 13:16

کابل(اُردو پوائنٹ اخبارتازہ ترین - این این آئی۔ 19 اپریل2018ء) افغانستان کے جنوبی صوبے قندھار میں ہونے والے ایک بم دھماکے کی زد میں آ کر پولیس کے ایک کمانڈر سمیت پانچ افراد ہلاک ہو گئے ۔

(جاری ہے)

قندھار شہر میں ہونے والے اس بم دھماکے کے نتیجے میں افغانستان کی بارڈر ریپڈ ری ایکشن فورس کے کمانڈر کرنل جانان ماما، ان کے تین باڈی گارڈز اور ایک عام شہری ہلاک ہوئے،ادھر اس حملے کی ذمہ داری طالبان نے قبول کر لی ہے،غیرملکی خبررساں ادارے کے مطابق گزشتہ روز اپنے ایک بیان میں قندھار پولیس کے ترجمان ضیاء درانی نے کہاکہ افغانستان کے جنوبی صوبے قندھار میں ہونے والے ایک بم دھماکے کی زد میں آ کر پولیس کے ایک کمانڈر سمیت پانچ افراد ہلاک ہو گئے ۔

انہوں نے کہاکہ قندھار شہر میں ہونے والے اس بم دھماکے کے نتیجے میں افغانستان کی بارڈر ریپڈ ری ایکشن فورس کے کمانڈر کرنل جانان ماما، ان کے تین باڈی گارڈز اور ایک عام شہری ہلاک ہوئے۔ درانی نے جاری کیے گئے اپنے ایک بیان میں کہاکہ بم ہلاک ہونے والے کمانڈر کی موٹر کار کے ساتھ منسلک کیا گیا تھا۔ادھر ایک غیرملکی خبررساں ادارے کو جاری کیے گئے بیان میں اس حملے کی ذمہ داری طالبان نے قبول کر لی ہے۔