انصاف کی منتظر خاتون سپریم کورٹ رجسٹری پہنچ گئی ،ْ انصاف فراہم کر نے کی اپیل

جمعرات 19 اپریل 2018 14:35

پشاور(اُردو پوائنٹ اخبارتازہ ترین - این این آئی۔ 19 اپریل2018ء) چیف جسٹس پاکستان جسٹس ثاقب نثار کے پشاور سپریم کورٹ رجسٹری آمد پر انصاف کی منتظر خاتون سپریم کورٹ رجسٹری پہنچ گئی اور دہائی دیتے ہوئے کہا کہ اسے انصاف فراہم کیاجائے۔

(جاری ہے)

جمعرات کو چیف جسٹس پاکستان ثاقب نثار کی پشاور سپریم کورٹ رجسٹری میں اہم مقدمات کی سماعت کیلئے آمد پر صوابی سے تعلق رکھنے والی خاتون سلمہ بھی سپریم کورٹ رجسٹری پہنچ گئی۔ سلمہ نے انصاف کی دہائی دیتے ہوئے کہا کہ میری بہن کو 4 سال پہلے حیات آباد میں گھر کے اندر قتل کیا گیا، پچھلے 4 سال سے انصاف کیلئے دربدر پھر رہی ہوں لیکن کہیں سنوائی نہیں ہوئی لہٰذا اب چیف جسٹس سے انصاف مانگنے آئی ہوں، چیف جسٹس مجھے انصاف فراہم کریں۔