جرمن سرمایا کار آزاد کشمیر میں توانائی کی پیداوار، صنعتی ترقی کے شعبوں میں سرمایہ کاری کریں، سردار مسعود خان کی جرمن سفیر سے ملاقات میں گفتگو، مارٹن کوبلر کو آزادکشمیر کے دورہ کی دعوت

جمعرات 19 اپریل 2018 16:10

اسلام آباد ۔ (اُردو پوائنٹ اخبارتازہ ترین - اے پی پی۔ 19 اپریل2018ء) صدر آزاد کشمیر سردار مسعود خان سے پاکستان میں تعینات جرمنی کے سفیر مارٹن کوبلر نے ایوان صدر کشمیر ہائوس میں ملاقات کی۔ صدر مسعود خان نے اس موقع پر کہا کہ پاکستان اور جرمنی کے درمیان دوستانہ تعلقات ہیں۔ صدر آزاد کشمیر نے کہا کہ جرمن ایک مضبوط اور طاقتور قوم ہے جنہوں نے سائنس و ٹیکنالوجی کے شعبہ میں حیرت انگیز ترقی کی ہے اور پوری دنیا میں معیار کے اعتبار سے اپنا لوہا منوایا ہے۔

صدر آزاد کشمیر نے جرمنی کے سفیر کو آزادکشمیر میں آنے کی دعوت دی اور کہا کہ جرمن سرمایا کار توانائی کی پیداوار، صنعتی ترقی کے شعبوں میں آزاد کشمیر میں سرمایہ کاری کریں۔ صدر آزادکشمیر نے مارٹن کوبلر کی تعریف کی کہ انہوں نے بڑی کمال مہارت سے اور اپنی قائدانہ صلاحیتوں کی بدولت پاک۔

(جاری ہے)

جرمن تعلقات کو مضبوط و مستحکم کیا۔ اس موقع پر جرمنی کے سفیر نے پاکستانی عوام کا شکریہ ادا کیا کہ انہوں نے بڑی گرمجوشی سے ان کا استقبال کیا اور پاک جرمن تعلقات کو مضبوط بنانے میں اپنا کردار ادا کیا۔

انہوں نے کہا کہ پاکستان کے لوگ ذہین، فطین اور محنتی ہیں اور ان کے اندر پاکستان کی معیشت کو باہم عروج تک لے جانے کی کما حقہ صلاحیت موجود ہے۔ پاکستانی دنیا کی ایک ابھرتی ہوئی قوم ہیں ۔ مارٹن کوبلر نے مزید کہا کہ آزادکشمیر ایک دلکش سیاحتی مرکز ہے اور میرا ملک جرمنی آزادکشمیر اور جرمنی کے لوگوں کے درمیان ادبی و ثقافتی تعلقات کو فروغ دینے کا خواہاں ہے۔

Facebook Twitter Google + Share on Whatsapp

متعلقہ عنوان :

مزید قومی خبریں