راولپنڈی اسلام آباد سمیت مالاکنڈ اور کشمیر میں چند مقامات پر تیز ہوائوں اور گرج چمک کے ساتھ بارش کا امکان

جمعرات 19 اپریل 2018 20:30

اسلام آباد (اُردو پوائنٹ اخبارتازہ ترین - این این آئی۔ 19 اپریل2018ء) محکمہ موسمیات نے کہا ہے کہ راولپنڈی اسلام آباد سمیت مالاکنڈ اور کشمیر میں چند مقامات پر تیز ہوائوں اور گرج چمک کے ساتھ بارش کا امکان ہے۔ محکمہ موسمیات کے مطابق گزشتہ 24 گھنٹوں کے دوران بالائی خیبرپختونخوا، فاٹا میں کہیں کہیں جبکہ راولپنڈی، کوئٹہ، قلات ڈویژن، اسلام آباد، گلگت بلتستان اور کشمیر میں چند مقامات پر تیز ہوائوں اور گرج چمک کے ساتھ بارش ہوئی۔

(جاری ہے)

سب سے زیادہ بارش مالم جبہ41، رسالپور25، کالام19، پشاور (سٹی15، ائیرپورٹ10)، دیر14، بالاکوٹ13، سیدو شریف12، کاکول11، پاراچنار، پٹن09، میرکھانی08، چراٹ، کوہاٹ05، لوئردیر، دروش04، چترال02، کامرہ11، مری08، راولپنڈی (شمس آباد08، چکلالہ01)، اسلام آباد (زیروپوائنٹ05، بوکرہ02، سیدپور01)، مظفرآباد 17، راولاکوٹ11، گڑھی دوپٹہ06، کوئٹہ (سمنگلی17، سٹی10)، قلات، زیارت02، پنجگور01، استور10، بگر وٹ04 اور گلگت میں 2 ملی میٹر ریکارڈ کی گئی۔ جمعرات کو ملک کے مختلف علاقوں میں زیادہ سے زیادہ درجہ حرارت شہیدبینظیرآباد44، چھور، حیدرآباد 43 اور دادو 42 ڈگری سینٹی گریڈ ریکارڈ کیا گیا۔