چھترپلین میں گیراج کے اندر کھڑی دو کاریں اور ایک موٹر سائیکل کو نامعلوم افراد نے تیل چھڑک کر آگ لگا دی

جمعہ 20 اپریل 2018 12:32

مانسہرہ۔ (اُردو پوائنٹ اخبارتازہ ترین - اے پی پی۔ 20 اپریل2018ء) چھترپلین میں ریتڑہ کے مقام پر گیراج کے اندر کھڑی دو موٹر کاریں اور ایک موٹر سائیکل کو رات کی تاریکی میں نامعلوم افراد نے آگ لگا دی، دونوں کاریں اور ایک موٹر سائیکل مکمل طور پر جل گئیں ۔

(جاری ہے)

چھترپلین کے گائوں ریتڑہ پائیں کے رہائشی امجد خان کے گیراج میں کھڑی ان کی ملکیتی گاڑی ٹوڈی سیلون ماڈل 2004 نمبر GLI-078 جس کی مالیت 9 لاکھ بنتی تھی اور موٹر سائیکل نمبر STL-1752 ماڈل 2001 جس کی مالیت 50 ہزار ہے، ذاکر خان کی ملکیتی سوزوکی وڈز جاپانی گاڑی نمبر412 کراچی ماڈل 2012ء جس کی مالیت 11 لاکھ تھی اور رجسٹری بھی گاڑی کے ڈسٹ بورڈ میں موجود تھی، کو نامعلوم افراد نے پٹرول چھڑک کر آگ لگا دی، آگ کی شدت اتنی تیز تھی کہ قریبی رہائشی لوگ آگ کو بجانے میں ناکام رہے اور دیکھتے ہی دیکھتے دونوں گاڑیاں اور موٹر سائیکل جل کر راکھ ہو گیا۔

متاثرہ اشخاص امجد خان اور ذاکر خان نے صحافیوں کو بتایا کہ ہماری گاڑیوں پر نامعلوم افراد نے پٹرول چھڑک کر انہیں آگ لگائی ہے۔ تھانہ بٹل پولیس نے نامعلوم افراد کے خلاف ایف آئی آر درج کر کے تفتیش شروع کر دی ہے۔