چیف جسٹس کا ''ووٹ کو عزت دو'' سے متعلق بیان، مریم نواز نے ٹویٹر پر جواب دے دیا

سمیرا فقیرحسین جمعہ 20 اپریل 2018 12:35

اسلام آباد (اُردو پوائنٹ تازہ ترین اخبار۔ 20 اپریل 2018ء) : گذشتہ روز پشاور کے دورے کے دوران چیف جسٹس آف پاکستان جسٹس ثاقب نثار نے وزیر اعلٰی خیبر پختونخواہ سے سوالات کے دوران ریمارکس دیتے ہوئے کہا کہ مجھے تعلیم اور صحت کے شعبے میں کوئی بہتری نظر نہیں آتی۔ یہاں ووٹ کو عزت دو پربہت بات کی جاتی ہے۔ عوام کی خدمت کریں اگر آپ ووٹ کی حُرمے کی حفاظت کرنا چاہتے ہیں۔

(جاری ہے)

چیف جسٹس کے ان ریمارکس پر مریم نواز نے اپنے ٹویٹر پیغام میں کہا کہ کام کیا تھا، اسی لیے آپ کو اقامہ جیسی چیز پر زبردستی نکالنا پڑا۔ اگر کام نہ کیا ہوتا تو PPP کی طرح الیکشن میں فارغ ہونے کا انتظار کیا جاتا۔

کام کیا تھا، اسی لیئے آپ کو اقامہ جیسی چیز پر زبردستی نکالنا پڑا۔ اگر کام نہ کیا ہوتا تو PPP کی طرح الیکشن میں فارغ ہونے کا انتظار کیا جاتا۔ https://t.co/a7jBC6kalK
— Maryam Nawaz Sharif (@MaryamNSharif) April 19, 2018

ایک اور پیغام میں بھی انہوں نے کہا کہ ہم نے عوام کی خدمت کی ہے تو آج عوام میں ''ووٹ کو عزت دو'' کا یہ نعرہ مقبول ہوا۔ یہ اسی نعرہ کی طاقت ہے جس نےآپ کو ہر روز قسمیں کھانےاور صفائیاں دینے پر مجبور کیا۔

خدمت کی ہے تو آج عوام میں یہ نعرہ مقبول ہوا۔ یہ اسی نعرہ کی طاقت ہے جس نےآپ کو ہر روز قسمیں کھانےاور صفائیاں دینے پر مجبور کیا۔ https://t.co/a7jBC6kalK
— Maryam Nawaz Sharif (@MaryamNSharif) April 19, 2018