مسلم لیگ( ن ) کے قائد کیخلاف کسی قسم کی سازشیں کامیاب نہیں ہو گی ،ْاحسان دانش

آئندہ الیکشن میں نواز شریف اور مریم نواز کی قیادت میں (ن )لیگ ملک بھر سے کامیابی حاصل کریگی ،ْصحافیوں سے گفتگو

جمعہ 20 اپریل 2018 15:50

مظفرآباد(اُردو پوائنٹ اخبارتازہ ترین - این این آئی۔ 20 اپریل2018ء) مسلم لیگ (ن )آزاد کشمیر کی مرکزی مجلس عاملہ کے رکن اور سعودی عرب ریاض کے صدر حاجی احسان دانش نے کہا ہے کہ پاکستان کے آئندہ الیکشن میں قائد پاکستان میاں نواز شریف اور مریم نواز کی قیادت میں ن لیگ ملک بھر سے کامیابی حاصل کرتے ہوئے بلا شرکت غیر حکومت بنائے گی۔ن لیگ کے خلاف کوئی سازش کامیاب نہیں ہو گی۔

صحافیوں سے بات چیت کرتے ہوئے انہوں نے کہا کہ مسلم لیگ( ن ) کے قائد کے خلاف کسی قسم کی سازشیں کامیاب نہیں ہو گی۔میاں محمد نواز شریف کی قیادت میں مسلم لیگ ن نے پاکستان کو نہ صرف ایٹمی طاقت بنایا بلکہ اسے ترقی کی راہ پر گامزن کیا۔پاکستانی عوام ان کے احسان کا بدلیہ 2018کے جنرل الیکشن میں ووٹ کی پرچی کے ذریعے دینگے۔

(جاری ہے)

قائد پاکستان محمد نوازشریف کی قیادت میں مسلم لیگ ن کا قیام پاکستان کی مضبوطی ،استحکام اور تحریک آزادی کشمیر کی کامیابی کا ضامن ہے،پاکستان کا مستقبل قائد پاکستان محمد نوازشریف کے ساتھ جڑا ہے ،محمد نوازشریف کے ساتھ جو زیادتی ہو رہی ہے یہ ملک پاکستان کے مستقبل اور آزادکشمیر کی ترقی کے ساتھ زیادتی ہے اب ہمارا فرض ہے کہ ہم اس عظیم قائد کے افکار کی روشنی میں اس ملک کو نظریاتی سیاست کا گہوارہ بنائیں ،2018 کے انتخابات میں قائد پاکستان محمد نوازشریف کے نظریہ کو لیکر آزادکشمیر کی جملہ سیاسی قیادت و کارکن پورے پاکستان میں پھیل جائیں گے اور ہم ایک مرتبہ پھر مسلم لیگ ن کو اقتدار میں لائیں گے۔