Live Updates

قومی آرچڑی ٹیم کے کھلاڑیوں کا ایشین گیمز کی تیاری کے سلسلہ میں تربیتی کیمپ اسلام آباد میں جاری

جمعہ 4 مئی 2018 16:50

اسلام آباد ۔ (اُردو پوائنٹ اخبارتازہ ترین - اے پی پی۔ 04 مئی2018ء) پاکستان آرچڑی فیڈریشن کے زیراہتمام اور پاکستان سپورٹس بورڈ کے تعاون سے قومی آرچڑی ٹیم کے کھلاڑیوں کاایشین گیمز کی تیاری کے سلسلہ میں تربیتی کیمپ پاکستان سپورٹس کمپلیکس، اسلام آبادمیں جاری ہے۔

(جاری ہے)

پاکستان آرچڑی فیڈریشن کے سیکرٹری جنرل محمد وصال خان نے بتایا کہ تربیتی کیمپ میں 8 کھلاڑی حصہ لے رہی ہیں جن میں چار مرد اور چارخواتین کھلاڑی شامل ہیں، مرد کھلاڑیوں میں پاکستان آرمی کے محمد طیب، ادریس مجید اور محمد ندیم جبکہ پاکستان واپڈا کے حافظ عبدالرحمن جبکہ خواتین کھلاڑیوں میں پاکستان آرمی کی نبیلہ کوثر ، ام زہرہ اور سنبل زیبر جبکہ پاکستان واپڈا کی اقصی شامل ۔

کوچز سرفراز اور عمران خان کھلاڑیوں کو تربیت دے رہے ہیں اور پاکستان آرمی کے کوچ اجلال الدین بھی آئندہ دو، تین روز میں کیمپ جوائن کر لیں گے۔ انہوں نے کہا کہ ان کھلاڑیوں کا انتخاب میرٹ کی بنیاد پر ٹرائلز کے ذریعے کیا گیا ہے اور ٹیم کے منتخب کھلاڑی رواں سال اگست میں انڈونیشیا میں کھیلی جانے والی ایشین گیمز میں شرکت کرے گی۔