ایم کیو ایم کرایہ پر لائے گئے لوگوں کا جلسے نہ کرے، پیپلز پارٹی

ْعامر خان پر ہم نہیں خود متحدہ والے قاتل ہونے کا الزام لگاتے ہیں، ترجمان پیپلزپارٹی کراچی

ہفتہ مئی 15:50

کراچی(اُردو پوائنٹ اخبارتازہ ترین۔ 05 مئی2018ء) پیپلز پارٹی نے کہا ہے کہ ایم کیو ایم کرایہ پر لائے گئے لوگوں کا جلسے نہ کرے۔۔ایم کیو ایم کے رہنما عامر خان کے بیان پر ردعمل دیتے ہوئے پیپلزپارٹی کراچی کے ترجمان نے کہا کہ سندھ بھر سے آنے والے متحدہ کارکنان کو پرامن شہر میں خوش آمدید کہتے ہیں، عامر خان ہمیں جواب دینے سے پہلے متحدہ کارکنان کو اپنی صفائی پیش کریں، عامر خان پر ہم نہیں خود متحدہ والے قاتل ہونے کا الزام لگاتے ہیں۔

(جاری ہے)

ترجمان نے کہا کہ ایم کیو ایم ایک نہیں ہزار جلسے کرے مگر کرایہ پر لائے لوگوں سے نہیں، لیاقت آباد کی عوام کو متحدہ مخالف ریلیاں نکالنے پر سلام پیش کرتے ہیں، لیاقت آباد والے ایم کیو ایم جلسہ نہ منظور کے مظاہرے کررہے ہیں۔