، وزیر اعظم کمیونٹی انفراسٹرکچر پروگرام کے تحت آئندہ مالی سال میں اس مقصد کے لئے ایک ارب 30کروڑ 50لاکھ روپے رکھنے کی تجویز

پیر 21 مئی 2018 13:30

مظفرآباد(اُردو پوائنٹ اخبارتازہ ترین - این این آئی۔ 21 مئی2018ء) آزادکشمیر کے وزیر خزانہ ڈاکٹر نجیب نقی نے پیر کے روز اپنی بجٹ تقریر میں آزاد کشمیر کے ترقیاتی میزانیہ،مالی سال 2018-19ء کی چیدہ چیدہ خصوصیات بیان کرتے ہوئے بتا یا کہ ترقیاتی میزانیہ2018-19کا% 41مواصلات،14%بجلی،9%فزیکل پلاننگ وہاوسنگ، 8% لوکل گورنمنٹ ، 6% بیرونی امداد سے روبہ عمل منصوبہ جات جبکہ بقیہ22%فیصد دیگر سیکٹرز کے لئے رکھا گیا ہے ۔

(جاری ہے)

انہوں نے کہاکہ آزاد کشمیر میں سلائیڈ ٹریٹمنٹ ،روڈ سیفٹی اور انٹری پوائنٹس پر Weigh Stations کے قیام کے منصوبہ جات پر عملدرآمد کیا جائیگا ، وزیر اعظم کمیونٹی انفراسٹرکچر پروگرام کے تحت آئندہ مالی سال میں اس مقصد کے لئے ایک ارب 30کروڑ 50لاکھ روپے رکھنے کی تجویز ہے ۔عوام کو بجلی کی بلا تعطل فراہمی کے لئے آئندہ مالی سال کے دوران مزید 425 ٹرانسفارمر فراہم کئے جائیں گے ۔ مزید برآں بجلی کی ترسیل کے نظام کو بہتر بنانے کے لئے ٹرانسمیشن لائنز کی بحالی و بہتری کے نئے منصوبہ جات پر عملدرآمدکیا جائیگا جس سے لائن لاسز کو کم کرنے میں مدد ملے گی۔