حیسکو کارمضان المبارک میں بجلی کی بلاتعطل فراہمی کیلئے وزارت ِ انرجی کی ہدایات پر کنٹرول روم قائم

جمعہ 25 مئی 2018 22:50

حیدرآباد(اُردو پوائنٹ اخبارتازہ ترین۔ 25 مئی2018ء) حیدرآباد الیکٹرک سپلائی کمپنی((حیسکو)نے رمضان المبارک کے بابرکت مہینہ میں بجلی کی بلاتعطل فراہمی کیلئے وزارت ِ انرجی کی ہدایات پر حیسکو میںکنٹرول روم قائم کیا گیا ہے اس کے علاوہ تمام سب ڈویژنوںمیںتیکنیکی عملے کو ہدایات جاری کی گئیں ہیں کہ وہ اپنے اپنے علاقے میں بجلی کی مسلسل فراہمی کو یقینی بنائیں ،،بجلی چورکنڈہ مافیا کیخلاف گرینڈ آپریشن کریں کیونکہ کنڈا مافیا کی وجہ سے حیسکو ریجن کے ڈسٹری بیوشن ٹرانسفارمر جو مختلف علاقوں میں خراب ہورہے ہیں اور اوور لوڈ ہورہے ہیں جس کی وجہ سے عوام / صارفین کو پریشانی کا سامنا کرنا پڑ رہا ہے ۔

واضح رہے کہ بجلی چوروں کیخلاف ہنگامی بنیادوں پر خصوصی ٹیمیں بنائی گئیں ہیں جو دن رات کاروائیاں کررہی ہیںاور قانون کے تحت کنڈہ مافیا کیخلاف FIRدرج کرائیں گی ۔

(جاری ہے)

حیسکو چیف ایگزیکٹو آفیسر عبدالستار میمن نے واضح ہدایات دیں ہیں کہ تمام SDOs کی اولین ذمہ داری ہے کہ وہ اپنے علاقوں میں ٹرانسفارمر زکا لوڈ چیک کرائیں اور ساتھ ہی عوام کو آگاہی بھی دیں کہ منظور شدہ لوڈ سے زائد لوڈ استعمال کرنے سے ٹرانسفارمرز جل جاتے ہیں ، لہٰذا اس لوڈ کو ریگیولرائز کرائیں تاکہ اسی لوڈ کے مطابق ٹرانسفارمر تنصیب کیئے جائیں یاد رہے کہ منظور شدہ لوڈ سے زیادہ بجلی استعمال کرنا قانوناً جرم ہے ان کے خلاف بھی قانونی کاروائی عمل میں لائی جائیگی ۔

حیسکو انتظامیہ عوام ،صارفین بلخصوص معاشرے کی ترجمانی کرنے والے منتخب عوامی نمائندوں ، میڈیا کے نمائندوں،تاجر برادری اور سوشل /سماجی ورکر سے اپیل کرتی ہے کہ بجلی چوروں اور کنڈا مافیا کیخلاف حیسکو کی ٹیموں کے ساتھ تعاون کریں تاکہ بجلی چوری کا خاتمہ کیا جاسکے اور رجسٹرڈ صارفین کو بجلی کی بہتر ترسیل کی جاسکے ۔واضح رہے کہ حیسکو ایک کمرشل ادارہ جو بجلی کی ترسیل کا کام سرانجام دے رہا ہے ۔لہٰذا ہر صارف کی ذمہ داری ہے کہ وہ اپنے ذمے حیسکو کے واجبات بروقت ادا کریں۔