مظفرآباد ‘سیاحتی مقام نیاز پورہ میں آندھی ،طوفان کے باعث تباہی‘ ہوٹل میں موجود افراد معجزانہ طور پر محفوظ رہے

جمعرات 7 جون 2018 14:47

مظفرآباد (اُردو پوائنٹ اخبارتازہ ترین - آئی این پی۔ 07 جون2018ء) دارلحکومت مظفرآباد کے نواحی علاقہ معروف سیاحتی مقام نیاز پورہ میں آندھی ،طوفان کے باعث تباہ ہوٹل میں موجود افراد معجزانہ طور پر محفوظ رہے جبکہ ایک گاڑی بھی متاثر ہوئی۔تیز ہوائوں کے باعث ایک چھت اڑ گئی اور شیشے ٹوٹ گئے۔ برقی لائیٹس بھی ٹوٹ گئی۔

(جاری ہے)

ہوٹل مالک چوہدری بشیر نے حکومت سے معاوضہ کی اپیل کر دی تفصیلات کے مطابق گزشتہ روز چوہدری محمد بشیر نے مظفرآباد میں صحافیوں سے گفتگو کر تے ہوئے بتایا کہ گزشتہ سے پیوستہ روز آندھی ،طوفان کے باعث ان کا گیسٹ ہائوس تباہ ہو گیا چھت اڑ گئی،فرنیچر اور برقی لائٹس شیشے اور سائن بورڈ ٹوٹ پھوٹ کا شکار ہو گئے۔

انھوں نے حکومت آزاد کشمیر سے معاوضہ کی ادائیگی کا مطالبہ کیا ہے۔