بیرسٹر سلطان کی مظفرآباد آمد، اسحاق طاہر لاہور میں کاروباری مصروفیات ترک کرکے دارالحکومت پہنچ گئے

جمعرات 7 جون 2018 16:02

مظفرآباد (اُردو پوائنٹ اخبارتازہ ترین - آئی این پی۔ 07 جون2018ء) بیرسٹر سلطان کی مظفرآباد آمد، اسحاق طاہر لاہور میں کاروباری مصروفیات ترک کرکے دارالحکومت پہنچ گئے، آج ہٹیاں بالا سے کارکنان کے قافلے کے ہمراہ مظفرآباد میں افطار ڈنر میں شرکت کرینگے، انتظامات مکمل، کارکنان پی ٹی آئی ہٹیاں بالا میں جوش وخروش، تفصیلات کے مطابق پی ٹی آئی آزادکشمیر کے سربراہ آج مظفرآباد تشریف لارہے ہیں، بیرسٹر سلطان کا۔

(جاری ہے)

مظفرآباد میں شاندار استقبال متوقع ہے، بیرسٹر سلطان محمود کی مظفرآباد آمد اور افطار ڈنر کو مزید کامیاب بنانے کے لیے تحریک انصاف آزادکشمیر کے مرکزی رہنما، سابق امیدوار اسمبلی چوہدری اسحاق طاہر ایڈوکیٹ لاہور میں اپنی اہم نوعیت کی تمام کاروباری مصروفیات ترک کرکے گزشتہ رات کو مظفرآباد پہنچ گئے اور ہٹیاں بالا جاکر آج کے افطارڈنر کو کامیاب بنانے کے لیے کارکنان کو تیار کیا، آج وزیراعظم آزادکشمیر کے آبائی حلقہ انتخاب سے بڑی تعداد میں لوگوں کی مظفرآباد میں بیرسٹر سلطان محمود چوہدری کے افطارڈنر کوکامیاب بنانے کے لیے دارلحکومت پہنچے گی، ہٹیاں بالا کے پی ٹی آئی کارکنان میں اس حوالے سے خوب جوش وخروش پایا جاتا ہے۔