چودھری نثار علی خان کا آزاد حیثیت سے الیکشن لڑنے کا اعلان

عورت کے راج کے مخالف نے آج اپنی بیٹی پارٹی پر مسلط کردی ہے،تحریک انصاف میں 10، (ن) لیگ میں 100 سے بھی زائد خامیاں ہیں،پارٹی نے ٹکٹ سیاسی یتیموں کو دیدئے ہیں،کارنر میٹنگ سے خطاب

پیر جون 20:24

چودھری نثار علی خان کا آزاد حیثیت سے الیکشن لڑنے کا اعلان
راولپنڈی (اُردو پوائنٹ اخبارتازہ ترین۔ 11 جون2018ء) مسلم لیگ (ن) کے رہنماء چودھری نثار علی خان نے آزار حیثیت میں الیکشن لڑنے کا اعلان کرتے ہوئے کہاہے کہ پارٹی نے ٹکٹ سیاسی یتیموں کو دیدئے ہیں، تحریک انصاف میں 10، (ن) لیگ میں 100سے بھی زائد خامیاں ہیں، عورت کے راج کے مخالف نے آج اپنی بیٹی پارٹی پر مسلط کردی ہے۔

(جاری ہے)

پیر کو اڈیالہ روڈ پر کارنر میٹنگ سے خطاب کرتے ہوئے چودھری نثار نے آزاد حیثیت میں انتخاب لڑنے کا اعلان کرتے ہوئے کہا کہ پارٹی نے ٹکٹ سیاسی یتیموں کو دے دیئے ہیں۔

انہوں نے مسلم لیگ (ن) کو تنقید کا نشانہ بناتے ہوئے کہا کہ تحریک انصاف میں 10 اور ن لیگ میں 100 سے بھی زائد خامیاں ہیں۔انہوں نے کہا کہ عورت کے راج کے مخالف نے آج اپنی بیٹی پارٹی پر مسلط کردی ہے۔ انہوں نے کہا کہ میں نے منہ کھولا تو یہ کہیں منہ دکھانے کے قابل نہیں رہیں گے۔ انہوں نے کہا کہ میں بہت کچھ کہہ سکتا ہوں لیکن مجھے 34 سال کی رفاقت کا خیال آجاتا ہے۔انہوں نے کہا کہ آزاد الیکشن لڑوں گا اس لئے اب زیادہ محنت کی ضرورت ہے۔