محمد فاروق رحمانی کی کشمیر ، فلسطین اور د نیا بھر کے مسلمانوں کو عید الفطر کی مبارکباد

قرآنی تعلیمات اور آزادی کے مسلمہ عالمگیر اصولوں پر مسلمانوں کا اعتماد غیر متزلزل ہے ،ْ بیان

جمعہ 15 جون 2018 13:13

سرینگر (اُردو پوائنٹ اخبارتازہ ترین - این این آئی۔ 15 جون2018ء) جموں وکشمیر پیپلز فریڑم لیگ کے چیئرمین محمد فاروق رحمانی نے کشمیر ، فلسطین اور د نیا بھر کے مسلمانوں کو عید الفطر کی مبارکباد دیتے ہوئے کہا ہے کہ آزادی ' حق خودارادیت ،ْ جمہوریت اور انسا نی حقوق کیلئے مسلمانوں اور دیگر محکوم قومو ں اور طبقوں کی جہدوجہد ضرور کامیاب ہو گی۔

(جاری ہے)

کشمیرمیڈیاسروس کے مطابق محمد فاروق رحمانی نے اسلام میں جاری ایک بیان میں کہا کہ قرآنی تعلیمات اور آزادی کے مسلمہ عالمگیر اصولوں پر مسلمانوں کا اعتماد غیر متزلزل ہے جس کو سینوں سے نکالا نہیں جاسکتاہے۔

انہوںنے کہا کہ جموںوکشمیر کے مسلمان حق خودرادیت سے اب تک محروم ہیں جبکہ فلسطینیوں کو زبردستی اپنے گھرو ں سے بے گھر کیا جا رہا ہے ۔ محمد فاروق رحمانی نے مسلمانوں پر زور دیا کہ وہ سامراجی اور استحصالی طاقتوں کا مقابلہ کرنے کیلئے فرقہ پرستی اورآپسی اختلافات کو ختم کریں ۔ انہوںنی حریت پسندوں کی جد وجہد کو سلام پیش کرتے ہوئے کہا کہ خزان کے بعد اب بہار آزادی مسلمانوں کے قد م ضرور چومے گی۔