محکمہ لائیو سٹاک کے ریٹائرڈ لیگل آفیسر محمد فراز اعوان نے ڈسٹرکٹ کورٹ مظفرآباد میں سید واصف علی گردیزی ایڈووکیٹ سپریم کورٹ آزادکشمیر کی رہنمائی میں انٹرن شپ کے طور پر وکالت شروع کر دی

بدھ 27 جون 2018 16:11

مظفرآباد(اُردو پوائنٹ اخبارتازہ ترین - آئی این پی۔ 27 جون2018ء) محکمہ لائیو سٹاک ڈیری اینڈ ڈویلپمنٹ آزادکشمیر کے ریٹائرڈ لیگل آفیسر مسٹر محمد فراز اعوان نے ڈسٹرکٹ کورٹ مظفرآباد میں سید واصف علی گردیزی ایڈووکیٹ سپریم کورٹ آزادکشمیر کی رہنمائی میں انٹرن شپ کے طور پر وکالت شروع کر دی ۔اس سلسلہ میں فراز اعوان نے بار کونسل آزاد جموں وکشمیر میں وکالت کیلئے انٹی مشین فیس بھی جمع کروا دی ہے ۔

(جاری ہے)

فراز اعوان نے شعبہ وکالت میں بی اے ایل ایل بی کا امتحان سال 1992؁ء میں کشمیر لاء کالج کے ذریعے جامعہ کشمیر مظفرآباد سے پاس کر رکھا ہے اور موصوف شعبہ وکالت میں بے پناہ تجربہ کے حامل میں ۔عوامی ،سیاسی و سماجی حلقوں نے فراز اعوان کو شعبہ وکالت سے منسلک ہونے پر مبارکباد دیتے ہوئے خراج تحسین پیش کیا ہے ۔اور انہیں بھرپور تعاون کا یقین دلایا ہے ۔عوامی حلقوں کا کہنا تھا کہ فراز اعوان نے بحیثیت لیگل آفیسر محکمہ لائیو سٹاک اپنی لازوال خدمات پیش کیں جنہیں کسی صورت نظر انداز نہیں کیا جا سکتا۔

Facebook Twitter Google + Share on Whatsapp

متعلقہ عنوان :

مزید کشمیر کی خبریں