Live Updates

ایم ایم اے کی کامیابی پاکستان میں خوشحالی کی ضامن ہے، میاں مقصود احمد

آئندہ عام انتخابات میںعوام چوروں،لٹیروںاور نیالبادہ اوڑھ کر آنے والوں کو مسترد کردیں، صوبائی امیر جماعت اسلامی کی گفتگو

جمعہ 29 جون 2018 22:55

لاہور(اُردو پوائنٹ اخبارتازہ ترین - آئی این پی۔ 29 جون2018ء) متحدہ مجلس عمل پنجاب کے صدر اور امیرجماعت اسلامی پنجاب میاں مقصود احمدنیکہا ہے کہ ملک وقوم شدید بحرانوں کی زد میں ہیں اوراس سے نجات کا واحد راستہ شفاف اور منصفانہ الیکشن ہیں۔آئندہ عام انتخابات میںعوام چوروں،لٹیروںاور نیالبادہ اوڑھ کر آنے والوں کو مسترد کردیں گے۔ملک و قوم کوجراتمند، پڑھی لکھی اورمحبت وطن قیادت ہی آگے لے جاسکتی ہے جوکہ صرف اور صرف ایم ایم اے کے پاس ہے۔

آئندہ انتخابات کرپٹ اور بدعنوان ٹولے سے نجات کا ذریعہ بنیں گے۔ایم ایم اے نے پنجاب سمیت پورے ملک میں اپنے امیدوار میدان میں اتاردیے ہیں۔ عوام ایم ایم اے کو ووٹ دے کر ملک و ملت سے محبت کا ثبوت دیں۔ان خیالات کا اظہار انہوں نے گزشتہ روزلاہور میں عوامی وفود سے گفتگو کرتے ہوئے کیا۔

(جاری ہے)

انہوں نے کہاکہ گزشتہ پانچ سالوں میں مسلم لیگ(ن)نے ملکی معیشت کا بیڑہ غرق کرکے رکھ دیاہے۔

سرمایہ دار پاکستان آنے کی بجائے بنگلہ دیش،چین،بھارت ،ملائیشیااور دیگرممالک کارخ کررہے ہیں۔پی آئی اے،ریلوے اور اسٹیل مل سمیت تمام سرکاری اداروںمیں من پسندافراد کو بھرتی کرکے قومی خزانے کوکروڑں، اربوں روپے کا نقصان پہنچایاگیا۔انہوں نے کہاکہ مہنگائی،بے روزگاری،لاقانونیت،دہشتگردی اور دیگر مسائل میں اضافے نے لوگوں زندگی اجیرن بنادی ہے۔

ایم ایم اے اقتدار میںآکر لوگوں کے مسائل حل کرے گی۔انشائ اللہ وہ وقت دور نہیں جب وطن عزیزترقی کی راہ پر گامزن ہوگا۔اگر عوام نے آئندہ انتخابات میں تمام تروابستگیوں سے بالا تر ہوکرپاکستان کے بہتر مستقبل کے بارے میں نہ سوچا تو یہی لوگ دوبارہ اقتدار پرقابض ہوجائیں گے۔میاں مقصوداحمد نے مزید کہاکہ ایم ایم اے برسر اقتدار آکر قوم کی لوٹی ہوئی دولت واپس لائے گی اور تمام رقم عوام کی فلاح وبہبود پر خرچ کریں گے۔عوام متحدہ مجلس عمل کے حق میں اپنا ووٹ استعمال کریں اورآئندہ انتخابات میں ایم ایم اے کو موقع فراہم کریں تاکہ ملکی مشکلات سے نجات حاصل کی جائے اور پاکستان کو مستحکم اور خوشحال بنایا جائے۔