گھانا؛شدید بارشیں، 12 افراد ہلاک متعدد لاپتہ

امدادی کارروائیاں جاری ،تقریباً 150 افراد کو بچا لیا گیا ہے،نمائندہ ادارہ برائے انسداد آفات افسر جوزف آسو منگ

جمعہ 6 جولائی 2018 15:55

گھانا(اُردو پوائنٹ اخبارتازہ ترین - آن لائن۔ 06 جولائی2018ء) گھانے میں جاری شدید بارشوں نے بڑے پیمانے پر تباہی مچا دی،جس کے نتیجے میں 12 افراد ہلاک اور متعدد لاپتہ ہو گئے ہیں۔

(جاری ہے)

جمعہ کو ادارہ برائے انسداد آفات کے رابطہ افسر جوزف آسو منگ نے میڈیا سے گفتگو کرتے ہوئے بتایا کہ بوسوم ٹوا نامی شہر میں 2روز سے جاری موسلا دھار بارشوں سے سیلاب کی کیفیت پیدا ہو گئی ہے،جس کے نتیجے میں 12 افراد ہلاک اور متعدد لا پتہ ہو گئے ہیں۔آسومنگ نے کہا کہ علاقے میں امدادی کارروائیاں جاری ہیں اور اب تک تقریباً 150 افراد کو بچا لیا گیا ہے۔واضح رہے کہ گزشتہ دنوں بھی گھانا میں آنے والے سیلاب کے نتیجے میں 25 افراد ہلاک ہو گئے تھے۔