سینئرجج آزاد جموں وکشمیر سپریم کورٹ جسٹس راجہ سعید اکرم خان نے قائمقام چیف جسٹس کے عہدے کا حلف اٹھا لیا

پیر 30 جولائی 2018 18:51

مظفر آباد ۔ (اُردو پوائنٹ اخبارتازہ ترین - اے پی پی۔ 30 جولائی2018ء) سینئرجج آزاد جموں وکشمیر سپریم کورٹ جسٹس راجہ سعید اکرم خان نے قائمقام چیف جسٹس آزاد جموں وکشمیر کے عہدے کا حلف اٹھا لیا۔ جج آزاد جموںوکشمیر سپریم کورٹ جسٹس غلام مصطفی مغل نے حلف لیا۔

(جاری ہے)

حلف برداری کی تقریب آزاد جموںو کشمیر سپریم کورٹ میں منعقد ہوئی ۔ تقریب میں آزاد جموںو کشمیر ہائی کورٹ کے جج صاحبان ایڈیشنل چیف سیکرٹری (ترقیات) سید آصف حسین ، سیکرٹری صاحبان حکومت ، سربراہان محکمہ جات ، عہدیداران آزاد جموں وکشمیر بار کونسل ، سپریم کورٹ بار ایسوسی ایشن ، سینئر وکلاء ، میڈیا ،خواتین وکلاء اور سول سوسائٹی کی کثیر تعداد بھی موجود تھے۔