آمدن سے زائد اثاثوں کاالزام،امیر مقام نیب خیبرپختونخوا میں پیش ہوئے

سوالنامہ دیا گیا ہے جس میں آمدنی کے ذرائع سے متعلق پوچھا گیا ہے پندرہ دن کے اندر جواب جمع کروائیں گے

جمعرات 2 اگست 2018 20:53

آمدن سے زائد اثاثوں کاالزام،امیر مقام نیب خیبرپختونخوا میں پیش ہوئے

پشاور(اُردو پوائنٹ اخبارتازہ ترین - این این آئی۔ 02 اگست2018ء) پاکستان مسلم لیگ ن کے صوبائی صدر امیر مقام آمدن سے زائد اثاثوں کے الزام میں نیب خیبر پختونخوا میں پیش ہوئے ۔ نیب نے سوالنامہ دیا ہے ،پندرہ دنوں کے اندر جواب جمع کریں گے۔ن لیگ کے رہنماء امیر مقام آمدن سے زائد اثاثوں کے الزام میں نیب خیبر پختونخوا کے طلب کرنے پر پیش ہوئے ،ان کا کہنا تھا کہ سوالنامہ دیا گیا ہے جس میں آمدنی کے ذرائع سے متعلق پوچھا گیا ہے پندرہ دن کے اندر جواب جمع کروائیں گے ۔

(جاری ہے)

تمام اثاثوں کی تفصیلات فراہم کی جائیں گی امیر مقام نے تحریک انصاف کی سابق کے پی حکومت کو تنقید کا نشانہ بناتے ہوئے کہا کہ کے پی میں اٹھائیس لاکھ ووٹ تو پی ٹی آئی نے لیے مگر انکی پرفارمنس کیا ہے،جتنے پراجیکٹس بنائے انکی دیواریں ٹیڑھی ہیں،عمران خان کا وطیرا ہے کہ جوساتھ نہیں وہ چوربن جاتا ہے اورجو ان کے ساتھ مل جائے دودھ سے دھل جاتا ہے،امیر مقام نے الزام عائد کیا کہ پی کے چار سوات سے چار تھیلے غائب ہیں جس کا ذمہ دار الیکشن کمیشن ہے،نواز شریف سے ملنے بھی نہیں دیا جارہا۔