53خاندانوں کے 107افراد بیک وقت قومی اور صوبائی اسمبلیوں کی رکنیت کا حلف کل اٹھائینگے

پشاور (اُردو پوائنٹ اخبارتازہ ترین - آن لائن۔ 12 اگست2018ء) 53خاندانوں کے 107افراد بیک وقت قومی اور صوبائی اسمبلیوں کی رکنیت کا حلف کل اٹھائینگے ۔ جبکہ 21خاندانوں کو عام انتخابات میں شکست سے دوچار ہونے کے بعد پارلیمانی ایوانوں سے باہر ہو گئے ہیں نئی اسمبلی میں کئی خاندانوںکے باپ بیٹے ، میاں بیوی ، ماں بیٹا ، ماموں بھانجے ، چچا بھتیجا ، ساس داماد ، ماں بیٹی ، سگی بہنیں ، سگے بھائی ، سالہ بہنوئی ، اور دیگررشتہ دار ایک ساتھ قومی اور صوبائی اسمبلی کے ایوانوں میں بیٹھیں گے ۔

سابق وزیر اعلیٰ پرویز خٹک ان کے داماد عمران خٹک قومی اسمبلی میں ایک ہی ساتھ بیٹھیں گے ۔ متحدہ مجلس عمل کے امیر مولانا فضل الرحمان کے اسمبلی سے آوٹ ہو گیا ہے جبکہ ان کے صاحبزادے اسد محمود قومی اسمبلی میں اور بھائی مولانا لطف الرحمان صوبائی اسمبلی کے ایوانوں میں اپنے حلقوں اور خاندانوں کی نمائندگی کرینگے ۔

(جاری ہے)

پی ٹی آئی اے کو گوہر ایوب خان قومی اسمبلی میں جبکہ ان کے کزن اکبر ایوب خان اور ان کے دوسرے کزن ارشد ایوب خان صوبائی اسمبلی میں بیٹھیں گے ۔

قومی وطن پارٹی کے آفتاب احمد خان شیرپائو اور انے کے بیٹے سکندر شیر پائو بھی انتخابات سے مکمل طور پر آوٹ ہو گئے اوراس دفعہ ایوان میں نہیں بیٹھیں گے ۔ سابق وزیر اعلیٰ خیبرپختونخوا اکرم خان درانی اور زاہد اکرم درانی کو بھی صوبائی اسمبلی کی رونق بنے گے ۔ انتخابات میں اے این پی کے سربراہ اسفند یار ولی خان اور ایمل ولی ، پیپلز پارٹی کے ارباب عالمگیر ، مسز ارباب عالمگیر ان کے بیٹے زرک عالمگیر ، مسلم لیگ (ن) کے امیرمقام ان کے بھائی عباداللہ ، جبکہ بہن بھائی جہانزیب خان اورمہر سلطانہ کو بھی بری طورپرشکست ہو ئی تھی