اپوزیشن کی جانب سے صدارتی امیدوار کے طور پر میرا نام اس لئے پیش کیا گیا شائد میں پیپلز پارٹی کیلئے قابل قبول ہوں، مولانا فضل الرحمن
سابق صدر آصف زرداری پرانے دوست ہیں ، ان کیساتھ تعلقات کو نہ تو میں ،نہ ہی میں کبھی انہوں نے کسی سے مخفی رکھا پیر صاحب پگارا نے ہمیشہ کی طرح بہت زیادہ شفقت اور محبت کا مظاہرہ کیا ،کنگری ہائوس سے مطمئن ہوکر جارہاہوں، میڈیا سے گفتگو
بدھ 29 اگست 2018 22:16
(جاری ہے)
مولانا فضل الرحمن اپنی صدارتی مہم کے سلسلے میں جی ڈی اے کی حمایت حاصل کرنے کے لئے کنگری ہائوس پہنچے تھے ان کے ہمراہ جے یوآئی سندھ کے رہنما راشد محمود سومرو، اسلم غوری،مولانا عبدلکریم اور دیگر بھی تھے جبکہ ملاقات میں پیر پگارا کی معاونت ان کے بھائی پیر صدرالدین شاہ راشدی اور ایم این اے غوث بخش مہر نے کی۔
ملاقات کے دوران ملک کی مجموعی سیاسی صورتحال اور آئندہ صدارتی الیکشن کے حوالے سے امور پر تفصیلی تبادلہ خیال کیا گیا۔بات چیت کے دوران پیر پگارا نے مولانا فضل الرحمن کی کنگری ہاس آمد پر ان کا شکریہ ادا کیا ور کہا کہ ہمیں بہت تاخیر سے اس بات کا علم ہو اکہ آپ بھی صدارتی امیدوار ہیں ۔انہوں نے مولانا فضل الرحمن سے کہا کہ ان کی جانب سے پیش کردہ موقف کو جی ڈی اے کے دوسرے ساتھیوں کے سامنے رکھا جائے گا۔بعدازاں میڈیا سے گفتگو کرتے ہوئے مولانا فضل الرحمن نے کہا کہ صدارت کے پہلے مرحلے میں ن لیگ اور پیپلزپارٹی کے درمیان ٹینشن پیدا ہوگئی تھی ،متحدہ اپوزیشن کی طرف سے مجھے پل کا کردار ادا کرنے کی درخواست کی گئی ۔انہوں نے کہا کہ ہم نے پیپلزپارٹی اور ن لیگ کو متفقہ امیدوار لانے کے لئے دو دن کا وقت دیاتھالیکن وہ متفق نہیں ہوئے،اپوزیشن کی جانب سے میرا نام اس لئے تجویز کیا کہ شاید پیپلزپارٹی کے لئے بھی میں قابل قبول ہوں۔انہوں نے کہا کہ پیر صاحب پگارا نے ہمیں مثبت جواب دیا ہے تاہم وہ اپنے ساتھیوں سے مشورہ کرکے ہمیںمطلع کریں گے۔ان کا کہنا تھا کہ اعتزاز احسن میرے دوست ہیں ہمیشہ ایک دوسرے کی عزت کی ہے۔اگر ن لیگ اعتزاز احسن پر متفق ہوجاتی تو اعتراض نہ ہوتا، کوشش کررہے ہیں کہ پیپلزپارٹی کو قائل کرلیں۔انہوں نے کہا کہ مسلم لیگ (ن) اور پیپلز پارٹی کے درمیان صدارتی امیدوار کے معاملے پر اتفاق رائے نہ ہونے کے باعث اپوزیشن کو اپنا امیدوار سامنے لانے میں تاخیر کا سامنا کرنا پڑا۔انہوں نے کہا کہ تحریک انصاف ایوان کی بڑی جماعت ہے لیکن اکثریتی نہیں،ہم انتخابی نتائج پر اپنے تحفظات کے باعث پارلیمنٹ میں نہیں جانا چاہتے تھے لیکن جب دوبڑی جماعتوں پی پی اور مسلم لیگ (ن) نے وہاں جانے کا فیصلہ کیا تو ہمیں بھی اپنے موقف پر نظر ثانی کرنا پڑی۔مولانا فضل الرحمن سے ایک صحافی نے دریافت کیا کہ صدارتی الیکشن سے قبل آصف زرداری کے خلاف جس طرح مقدمات سامنے آرہے ہیں کیا وہ ان کے باعث وہ کسی قسم کی ڈیل کی کوشش کررہے ہیں جس پر مولانا فضل الرحمن نے کہا کہ میں اپنے دوست کے حوالے سے کسی مشکل سوال کا جواب نہیں دے سکتا۔آصف زرداری کے ساتھ ہمارے تعلقات کسی سے مخفی نہیں ہیںجسے نہ وہ چھپاتے ہیں اور نہ ہی میں مخفی رکھتا ہوں۔انہوں نے بتایا کہ ناموس رسالت کے معاملے پر کسی مصلحت کا مظاہرہ نہیں کیاجاسکتا ،ہالینڈ میں گستاخانہ خاکوں کے خلاف ہم 9ستمبر کو لاہور میں مارچ کررہے ہیں.مولانا فضل الرحمن نے تحریک لبیک کے لانگ مارچ کی بھی حمایت کی۔ انہوں نے کہا کہ اظہار خیال کی آزادی ہے مگر شان رسالت میںکسی کوگستاخی کی اجازت نہیں دی جاسکتی ۔اس موقع پر جی ڈی اے کے رہنما پیر صدرالدین شاہ راشدی نے میڈیا کو بتایا کہ مولانا فضل الرحمن کے ساتھ بہت خوشگوار ماحول میں بات چیت ہوئی ہے ان کی جانب سے جو کچھ کہا گیا ہے وہ جی ڈی اے کے سامنے رکھ کر جو بھی فیصلہ ہوا انہیں مطلع کردیا جائے گا۔انہوں نے کہا کہ ہم مضبوط فیڈریشن چاہتے ہیں ایسا کوئی جملہ ادا نہ کرنا چاہتے کہ فیڈریشن کمزورہو۔انہوں نے کہا کہ یہ بڑی خوشی کی بات ہے کہ مولانا فضل الرحمن نے اپنی صدارتی مہم کا آغاز کنگری ہاس سے کیا ہے۔پیرپگارا اور مولانا فضل الرحمن کے درمیان ملاقات کے دودور ہوئے دوسرے دور میںدونوں جماعتوں کے دیگر رہنما شریک نہیںتھے۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.