(ن) لیگ کا نواز ، مریم اور کیپٹن (ر) صفدر کو سنائی گئی سزا کی معطلی کے عدالتی فیصلے کی خوشی میں بھرپور جشن
ملک بھر میں مٹھائیاں تقسیم کی گئیں ،رہنمائوں اور کارکنوں نے شکرانے کے نوافل ادا کئے ،وزیر اعظم نواز شریف ، بائو جی آئی لو یو کے نعرے رہنما اور کارکن ایکدوسرے کو گلے لگ کر مبارکباد دیتے رہے، رہنمائوںنے ٹیلیفون کر کے بھی مبارکباد دی ،خواتین کارکنان آبدیدہ ہو گئیں
بدھ 19 ستمبر 2018 19:35
(جاری ہے)
اس موقع پر کارکنوں نے ایک دوسرے کو گلے لگ کر مبارکبادیں دیں اور مٹھائیاں تقسیم کی گئیں ۔
پارٹی رہنمائوں کی جانب سے ایک دوسرے کو ٹیلیفون کر کے مبارکباد دی گئی اور اسے حق اور سچ کی فتح قرار دیا ۔اسلام آباد ہائیکورٹ کا فیصلہ آتے ہی کارکنوں کی ایک بڑی تعدادماڈل ٹائون میں واقع پارٹی کے مرکزی سیکرٹریٹ پہنچ گئے اور نواز شریف ،شہباز شریف ،مریم نواز اورحمزہ شہباز کے حق میں نعرے لگائے جبکہ اس موقع پر مٹھائی بھی تقسیم کی گئی ۔کارکنوں نے پریس کلب کے باہر بھی جشن منایا اور قیادت کے حق میں نعرے لگاتے ہوئے مٹھائی تقسیم کی ۔ کارکنوں نے نواز شریف ،شہباز شریف اور مریم نواز کی تصاویر والے پوسٹر ز اٹھا رکھے تھے جبکہ اس موقع پر بائو جی آئی لو ، وزیر اعظم نواز شریف ،حمزہ حمزہ کے نعرے بھی لگائے جاتے رہے۔کارکنوں نے خوشی میں راہگیروں کو بھی مٹھائی کھلائی ۔ مسلم لیگ (ن) لاہور کی مشاورتی کونسل کے ممبر میاں عثمان کی قیادت میں لیگی کارکنوں نے محمد نواز شریف ، مریم نواز اور کیپٹن (ر) محمد صفدر کی سزا معطلی کے فیصلے کی خوشی میں جشن منایا اور قیادت کے حق میں نعرے بازی کی۔ میاں عثمان کی جانب سے نواز شریف ، مریم نواز اور کیپٹن (ر) محمد صفدر فیصلے کی خوشی میں مٹھائی بھی تقسیم کی گئی ۔ اس موقع پر میاں عثمان نے کہا کہ نیب کا انتقام پر مبنی فیصلہ معطل ہوا ہے اور انصاف کی فتح ہوئی ہے ، آج اللہ تعالی نے (ن) لیگ کے کارکنان اور عوام کی دعائیں قبول کی ہیں، عدالتی فیصلے پر اللہ تعالی کا جتنا شکر ادا کریں کم ہے۔انہوں نے کہا کہ ہم شروع دن سے کہہ رہے ہیں کہ مقدمات بے بنیاد ہیں ، نواز شریف کو انتقام کا نشانہ بنانے کیلئے سیاسی کیس بنائے گئے۔نوازشریف تمام کیسز میں سرخروں ہوں گے اور انصاف کا بول بالا ہوگا۔اس موقع پر کارکنوں نے شکرانے کے نوافل بھی ادا کئے۔ماڈل ٹائون ،سمن آباد ، فیصل ٹائون، گڑھی شاہو، شاہ عالم مارکیٹ، انار کلی ، راوی روڈ ، رائے ونڈ ، اندرون شہر ، کاپرس سٹور، سنت نگر ، ساندہ، لکشمی چوک ، بادامی باغ، شاد باغ، مصری شاہ، قلعہ گجر سنگھ، مسلم ٹائون ، گوالمنڈی ، موہنی روڈ، اسلام پورہ،راج گڑھ،ریواز گارڈن ، گلشن راوی ، باغبانپورہ سمیت مختلف مقامات پر بھی لیگی رہنمائوں اور کارکنوںکی جانب سے جشن منایا گیا اور مٹھائیاں تقسیم کی گئیں۔ اس موقع پر کارکنوں کی جانب سے وزیر اعظم نواز شریف سمیت دیگر قیادت کے حق میں بھی نعرے لگائے گئے ۔ جی او آر میں خواجہ احمد حسان کی جانب سے اسلام آباد ہائیکورٹ کے فیصلے کی خوشی میں جشن منایا گیا اور مٹھائی تقسیم کی گئی۔لاہور کے علاوہ راولپنڈی ،فیصل آباد، گوجرانوالہ، سیالکوٹ، ننکانہ صاحب، فیصل آباد، شرقپور شریف، شیخوپورہ، مریدکے ، منچن آباد،نارروال، نارنگ منڈی میں بھی رہنمائوں اورکارکنوںنے جشن منایا اور اپنی قیادت کے حق میں نعرے لگاتے ہوئے مٹھائیاں تقسیم کیں ۔پنجاب کے علاوہ دوسرے صوبوں کے مختلف مقامات پر بھی (ن) لیگ کے کارکن عدالتی فیصلے کی خوشی میں سڑکوں پر نکل آئے اور بھرپور جشن مناتے ہوئے اپنی قیادت کے حق میں نعرے لگائے گئے اورمٹھائیاں تقسیم کی گئیں ۔جشن منانے کے دوران پارٹی کی خواتین کارکنان بیگم کلثوم نواز کے انتقال پر آبدیدہ بھی ہو گئیں ۔مزید اہم خبریں
-
اسرائیل غزہ میں قحط اور بھوک کو جنگی ہتھیار کے طور پر استعمال کر رہا ہے.یورپی یونین
-
جنرل (ر) باجوہ، فیض حمید کو پارلیمنٹ میں طلب کرنے کی تحریک پیش کروں گا، خواجہ آصف
-
پاکستان نے جوابی فضائی حملے کیے، طالبان افغان سرزمین سے حملے روکیں، امریکا
-
ایم کیو ایم پاکستان سے کوئی اختلاف نہیں، فیصل واوڈا
-
شاہد خاقان عباسی کے خلاف ایل این جی ریفرنس پر سماعت ملتوی
-
صدر اور وزیرِ اعظم نیب کے گریجویٹ ہیں،شاہد خاقان عباسی
-
گیس و بجلی کی قیمتیں بڑھا کر صنعتوں کو تباہ کرنے کی کوشش کی جا رہی ہے. ڈاکٹر حفیظ پاشا
-
بھارتی انتخابات:پولنگ سات مراحل میں44دن جاری رہے گی‘ہرووٹرتک پہنچیں گے.چیف الیکشن کمشنر
-
بلند ترین شرح سود کے ساتھ کاروبار چلانا ممکن نہیں رہا‘شرح سود مہنگائی کم کرنے کے لیے بڑھائی گئی تھی.تاجر
-
ام المومنین حضرت خدیجة الکبریٰ ؓ کا یوم وصال 10رمضان المبارک بمطابق 21 مارچ کو عقیدت و احترام سے منایا جائے گا
-
نواز شریف آئندہ ماہ سعودی عرب جائیں گے،لندن بھی جانے کا فیصلہ
-
ویوو نے بہترین پوٹریٹ فوٹوگرافی اور دلکش ڈیزائن کا حامل V30 5G پاکستان میں متعارف کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.