ضمنی انتخابات کے نتائج سے ثابت ہو گیا ہے کہ عوام پی ٹی آئی کے ساتھ ہیں، پی ٹی آئی ایک مرتبہ پھر بڑی قومی جماعت بن کر سامنے آئی ہے، پی ٹی آئی حقیقی معنوں میں وفاق کی علامت بن کر ابھری ہے، پورے پاکستان نے دوبارہ وزیراعظم عمران خان پر اعتماد کا اظہار کیا ہے،کراچی سے خیبر تک لوگ وزیراعظم عمران خان اور پی ٹی آئی کے ساتھ کھڑے ہیں،وفاقی وزیر اطلاعات و نشریات چوہدری فواد حسین کی مختلف نجی ٹی وی چینلز سے گفتگو
پیر 15 اکتوبر 2018 00:00
(جاری ہے)
انہوں نے کہا کہ قومی اسمبلی کی 11 میں سے 6 نشستوں پر پی ٹی آئی نے کامیابی حاصل کی ہے جبکہ 2 نشستوں پر بڑا سخت مقابلہ ہے، اس لیے ہمارے لیے ضمنی انتخابات کے نتائج حوصلہ افزا ہیں۔ انہوں نے کہا کہ سب سے حوصلہ افزا بات یہ ہے کہ تمام صوبوں میں پی ٹی آئی کی نمائندگی نظر آ رہی ہے کیونکہ انتخابات میں ہم تمام صوبوں سے جیتے ہیں جس کا مطلب ہے کہ پی ٹی آئی واحد قومی جماعت ہے جبکہ باقی جماعتیں تو صوبائی جماعتیں ہیں۔
وفاقی وزیر اطلاعات و نشریات کا کہنا تھا کہ پاکستان تحریک انصاف حقیقی معنوں میں وفاق کی علامت بن کر ابھری ہے۔ انہوں نے کہا کہ یہی وجہ ہے کہ کراچی سے خیبر تک لوگ وزیراعظم عمران خان اور پی ٹی آئی کے ساتھ کھڑے ہیں۔ انہوں نے مزید کہا کہ اٹک کی سیٹ وزیراعظم عمران خان نے نہیں چھوڑی تھی، سب جانتے ہیں کہ اٹک کی قومی اسمبلی کی سیٹ ہم اپنے اندرونی اختلافات کی وجہ سے ہارے ہیں۔ ایک سوال کے جواب میں انہوں نے کہا کہ لاہور میں این اے 131 کی جس سیٹ پر وزیراعظم عمران خان نے کامیابی حاصل کی وہاں عام انتخابات میں بھی کوئی زیادہ مارجن نہیں تھا البتہ یہ بات ضرور ہے کہ جہاں پاکستان مسلم لیگ (ن) جیتے وہاں انتخابات صاف و شفاف ہوتے ہیں اور جہاں پی ٹی آئی جیتے وہاں انتخابات خلائی مخلوق کراتی ہے، جو لوگ انتخابی دھاندلی کا شور کر رہے تھے اب انہیں بتانا چاہیئے کہ جن حلقوں سے وہ جیتے ہیں کیا وہاں الیکشن صاف و شفاف ہے اور جہاں سے پی ٹی ٓئی جیتی ہے وہاں الیکشن شفاف نہیں ہوئے۔ ایک اور سوال کے جواب میں انہوں نے کہا کہ اٹک اور بنوں کی نشستوں پر پی ٹی آئی کی ہار کی وجہ ہمارے اندرونی اختلافات اور ہمارے اپنے لوگوں کی تقسیم ہے۔ انہوں نے کہا کہ مجموعی طور پر پورے پاکستان میں ایک مرتبہ پھر وزیراعظم عمران خان پر اعتماد کا بھرپور اظہار کیا گیا ہے اور پی ٹی آئی دوبارہ سے واحد قومی جماعت کے طور پر ابھری ہے جو انتہائی خوش آئند بات ہے۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.