سینیٹر سید شبلی فراز کی زیر صدارت سینیٹ کی قائمہ کمیٹی برائے کامرس اینڈ ٹیکسٹائل انڈسٹری کا اجلاس
بدھ 17 اکتوبر 2018 21:13
(جاری ہے)
بلوچستان میں جب فصلیں تیار ہو جاتی ہیں تو اپنی جیبیں بھرنے کیلئے بارڈر کو کھول دیا جاتا ہے جس سے زرعی اجناس اور خاص طور پر سبزیوں اور فروٹ کی بھرمار بھارت، افغانستان اور ایران سے ہو جاتی ہے اور بلوچستان کی اجناس کوئی خریدنے کو تیار نہیں ہوتا ۔
گزشتہ برس ایوان بالا کی سفارش پر پابندی عائد ہونے کی وجہ سے زمینداروں کو فائدہ ہوا تھا مگر دوبارہ بارڈر کھولنے سے بلو چستان کے کسانوں اور زمینداروں کو مسائل کا سامنا ہے۔ بلوچستان زرعی اجناس سے پاکستان کی ضرورت پوری کر سکتا ہے ۔ انہوں نے کہا کہ بھارت کا مال افغانستان کا لیبل لگا کر پاکستان میں فروخت کیا جا رہا ہے اور ایران کے مال کی بھی بھرمار ہے۔ گزشتہ روز گوجرانوالہ میں سبزیاں اور فروٹ سے بھرے 22 غیر قانونی ٹرک پکڑے گئے۔ بوریوں پر افغانستان لکھا ہواتھا۔ سینیٹر میر کبیر احمد محمد شاہی نے کہا کہ صوبہ بلوچستان میں12 لاکھ ٹن سیب پیدا ہوتا ہے جبکہ ملک کی ضرورت 10 لاکھ ٹن ہے۔ صوبہ بلوچستان میں 3 لاکھ ٹن انگور، 5 لاکھ ٹن پیاز اور 5 لاکھ ٹن کجھور پیدا ہوتی ہے مگر پھر بھی مارکیٹ میں ایران کی کجھور سمگل ہو رہی ہے جس کی وجہ سے مقامی زمیندار بہت متاثر ہو رہے ہیں۔ حکومت ایسا طریقہ کار مرتب کرے کہ مقامی زمیندار متاثر نہ ہوں۔ قائمہ کمیٹی سفارش کرے جس طرح گزشتہ برس بلوچستان میں فصلیں تیار ہونے پر درآمدات پر پابندی عائد کر دی گئی تھی، دوبارہ پابندی عائد کی جائے۔ چیئرمین کمیٹی سینیٹر شبلی فراز نے کہا کہ صوبہ بلوچستان کی ترقی و خوشحالی کیلئے وہاں کی عوام کی بہتری کیلئے اقدامات اٹھانا انتہائی ضروری ہے۔ انہوں نے کہا کہ صوبہ بلوچستان میںکولڈ سٹوریج اور گودام قائم کئے جائیں تاکہ اجناس کو ضائع ہونے سے بچایا جائے۔ قائمہ کمیٹی کو بتایا گیا کہ پاکستان میںکوئی بھی پیداوار بغیر پرمٹ کے نہیں آسکتی۔ اجناس کی سمگلنگ سے آنے والی زرعی بیماریاں بھی ملک میں فصلوں کو تباہ کرتی ہیں۔ افغانستان کے راستے سے درآمدات کو جب روکا گیا تو افغانستان کا ایک اعلیٰ سطحی وفد پاکستان آیا اور صرف پرمٹ والی اور افغانستان میں پیدا ہونے والی اشیاء کو پاکستان میں درآمد کرنے کی اجازت دی گئی۔کمیٹی کو بتایا گیا کہ افغانستان سے آنے والا چھالیہ کینسر کا سبب بنتا ہے۔ افغانستان سے ٹماٹر25.6 ملین ڈالر اورایران سے 4 ملین ڈالر کا امپورٹ ہوتا ہے۔ پیاز افغانستان سے 13 ملین ڈالر اور ایران سے 1 ملین ڈالر، سیب افغانستان سے 25 ملین ڈالر، ایران سے 8 ملین ڈالر درآمد کیا جاتا ہے۔ کمیٹی کو بتایا گیا کہ اب جو بھی چیزیں باہر سے آتی ہیں ان کا لیب ٹیسٹ کیا جاتا ہے پاکستان میں4 لیبارٹریوں کو آئوٹ سورس کیا گیا ہے۔ کمیٹی کو یہ بھی بتایا گیا کہ تفتان اور طورخم بارڈرز پر چیک کرنے والے حکام نہ ہونے کے برابر ہیں۔ افغانستان بڑا تجارتی شراکت دار ہے۔ یک طرفہ پابندی نہیں لگا سکتے۔ سینیٹر نعمان وزیر خٹک نے کہاکہ اجناس کا معیار چیک کرنے والے پیرا میٹرز بھی ان لوگوں کے پاس نہیں ہیں۔ انہوں نے کہا کہ کمرشل امپورٹرز کو اسٹیٹ بنک آف پاکستان کی بجائے خود سے ڈالر کا انتظام کرنا چاہئے، وہ اپنی درآمدات کیلئے حکومت کا پیسہ استعمال نہ کریں۔ سیکریٹری کامرس نے کمیٹی کو بتایا کہ پاکستان میں درآمد ہونے والی اجناس پر آر ڈی لگا دی گئی ہے۔ پلانٹ کے تحفظ کی گنجائش کو بڑھانا اشد ضروری ہے۔ کمیٹی کو بتایا گیا کہ 2016ء میں بھارت سے 17 ارب روپے کا ٹماٹر درآمد کیا گیا اور ملک کے زمینداروں کی بہتری کیلئے 2018ء میں اس پر مکمل پابندی لگا دی گئی۔ قائمہ کمیٹی نے ہدایت کی کہ اجناس کی درآمدات کو روکا جائے، پاسکو بلوچستان کے زمینداروں سے سبزیاں اور فروٹ خریدے اور اس کی کم سے کم قیمت مقرر کی جائے جس طرح باقی صوبوں میں پاسکو یہ کام سرانجام دیتا ہے۔ قائمہ کمیٹی کے اجلاس میں سینیٹر ز نزہت صادق ، ڈاکٹر غوث محمد خان نیازی، عطاء الرحمان، ، نعمان وزیر خٹک، اورنگزیب خان، احمد خان اور میر کبیر احمد محمد شاہی کے علاوہ ایڈیشنل سیکریٹری کامرس، ڈی جی ٹریڈ پالیسی،کمشنر نیشنل فوڈ سیکورٹی، چیف کسٹم ایف بی آر، سیکریٹری کسٹم ایف بی آر اور دیگر اعلیٰ حکام نے شرکت کی۔مزید قومی خبریں
-
ڈاکٹرطاہرالقادری کا درسِ بخاری ،زوم لنک پر 20ہزار علماء کی شرکت
-
وزیر اعلیٰ سندھ کی زیر صدارت سندھ سوشل پروٹیکشن بورڈ کا پہلا اجلاس ، فوڈ سیکیورٹی-بھوک مٹاؤ پروگرام اور بے نظیر ویمن ایگریکلچر ورکرز سپورٹ پروگرام کی فزیبلٹی اسٹڈیز کی منظوری دیدی
-
وزارتوں میں ٹیکنوکریٹس کی تعیناتی دو کشتیوں میں سوار ہونے کے مترادف ہے اور دو کشتیوں کا سوار ہمیشہ ڈوبتا ہے، خورشید شاہ
-
لگتا ہے 9 مئی محسن نقوی، آئی جی پنجاب کا کیا دھرا ہے، اسد قیصر کا تحقیقات کیلئے جو ڈیشل کمیشن کا مطالبہ
-
رؤف حسن ان معاملات پر بھی ترجمان بن جاتے ہیں جن کا ان سے کوئی لینا دینا نہیں،شیر افضل
-
اسحاق ڈار کو ڈپٹی وزیراعظم بنانا اسٹیبلشمنٹ کیلئے کوئی پیغام نہیں،طلال چوہدری
-
وزیر دفاع سے ترکیہ کے بری افواج کے کمانڈر کی ملاقات،عالمی جغرافیائی سیاسی صورتحال پر مشترکہ افہام و تفہیم پر اطمینان کا اظہار
-
اس بارتو اسمبلیاں بیچی ، خریدی گئی، ہارنے والے بھی پریشان، جیتنے والے بھی مطمئن نہیں،مولانا فضل الرحمان
-
موٹروے پولیس نے قانون کی حکمرانی اور ٹریفک ڈسپلن قائم کر کے دکھایا ہے ،وفاقی وزیر مواصلات عبدالعلیم خان
-
وزیراعلی سندھ کا سینئر صحافی ثمر عباس کے بھائی شفقت حسین کے انتقال پراظہار افسوس
-
چلڈرن ہسپتال لاہور میں کڈز ڈے کیئر سنٹر کا افتتاح ،بچوں کا بہت خیال رکھا جائے ، وزیر اعلیٰ پنجاب
-
وزیراعلی خیبر پختونخوا کاکوئلہ کان حادثے میں دو مزدوروں کے جاں بحق ہونے پر اظہارافسوس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.