قیصر امین بٹ کی گرفتاری کے حوالے سے چونکا دینے والا انکشاف

کراچی (اُردو پوائنٹ تازہ ترین اخبار۔ 14 نومبر 2018ء) :خواجہ سعد رفیق کے فرنٹ میں اور پیراگون ہاؤسنگ سوسائٹی کے ڈائریکٹر قیصر امین بٹ کوآصف زرداری کے فرنٹ میں مبین جمانی کے گھر سے گرفتارکیا گیا۔میڈیا رپورٹس کے مطابق مسلم لیگ ن کے رہنما قیصر امین بٹ کو لاہور نیب کی ٹیم نے گرفتار کیا۔اںہیں آج صبح اندورن سندھ سے گرفتار کیا گیا۔نیب ٹیم لاہور نے اندورن سندھ میں خصوصی آپریشن کیا جس کے بعد قیصر امین بٹ کو گرفتار کیا گیا۔

میڈیا رپورٹس میں مزید بتایا گیا ہے کہ سابق وفاقی وزیر سعد رفیق کے پارٹنر اور ن لیگ کے سابق ایم پی اے قیصر امین بٹ کو گرفتار کر لیا گیا ہے۔ وہ سعد رفیق کے دست راست پیراگون ہاؤسنگ سوسائٹی میں شراکت دار تھے۔. قیصر امین بٹ پر اربوں روپے کے گھپلے کرنے کا الزام ہے. قیصر امین بٹ اور سعد رفیق کی 15سال سے پیراگون میں شراکت ہے۔

(جاری ہے)

پیراگون سوسائٹی کیس میں اور کئی افراد پر بھی اربوں روپے گھپلوں کا الزام عائد ہے۔

تاہم اس حوالے سے چونکا دینے والا انکشاف یہ ہے کہ خواجہ سعد رفیق کے فرنٹ مین قیصر امین بٹ کو آصف زرداری کے فرنٹ مین سمجھے جانے والے مبین جمانی کے گھر سے گرفتار کیا گیا ہے۔نیب کی جانب سے مطلوب ہونے کے بعد قیصر امین بٹ پنجاب سے فرار ہو کر سندھ چلے گئے تھے اور آصف زرداری کے فرنٹ مین مبین جمانی کے گھر میں پناہ لیے ہوئے تھے جن کو اب گرفتار کر لیا گیا ہے۔

دوسری جانب ایک رپورٹ میں بتایا گیا تھا کہ پیراگون ہاؤسنگ سوسائٹی کیس نیب کے نشانے پرآ گیا ہے اور نیب نے ایک ہی دن میں دو چھاپے مارے تھے۔ نیب اہلکاروں نے پیراگون سٹی چیف ایگزیکٹو ندیم ضیا کے دفتر پر چھاپہ مار کر ریکارڈ قبضے میں لیا تھا۔پیراگون ہاوسنگ سوسائٹی وفاقی وزیر خواجہ سعد رفیق کی ملکیت ہے اورآشیانہ ہاوسنگ اسکیم کیس کی تحقیقات کے سلسلے میں پیراگون سوسائٹی کے دفتر پر چھاپے مارے گئے تھے۔

واضح رہے کہ نیب کی تین رکنی تحقیقاتی ٹیم پیراگون ہاؤسنگ سوسائٹی میں مبینہ طور پر کی جانے والی کرپشن کی تحقیقات کر رہی ہے۔ ذرائع کا کہنا ہے کہ نیبلاہور نے سعد رفیق کے خلاف ریلوے میں نئے انجنز کی خریداری میں مبینہ خورد برد کی بھی تحقیقات شروع کردی تھی اور آج اس کیس میں اہم پیش رفت سامنے آئی تھی جب نیب نے پیراگون ہاؤسنگ کیس میں سعد رفیق کے پارٹنر قیصر امین بٹ کو گرفتار کیا۔ قیصر امین بٹ اور سعد رفیق کی 15سال سے پیراگون میں شراکت ہے.قیصر امین بٹ پاکستان مسلم لیگ ن کے سابق ایم پی اے بھی رہ چکے ہیں۔