اٹک،ریلوے کی ناجائز طور پر قبضہ کی گئی زمینوں کی واگذاری کے لیے آپریشن شروع

جمعرات 13 دسمبر 2018 21:50

اٹک ۔ (اُردو پوائنٹ اخبارتازہ ترین - اے پی پی۔ 13 دسمبر2018ء) سپریم کورٹ کے حکم پر ملک بھر کی طرح اٹک میں بھی پاکستان ریلوے کی ناجائز طور پر قبضہ کی گئی زمینوں کی واگذاری کے لیے آپریشن شروع کر دیا گیا۔

(جاری ہے)

تفصیلات کے مطابق اٹک میں بھی ریلوے زمین کو ناجائز تجاوزات مافیا اور قبضہ مافیا سے واگزار کرانے کے لیے پاکستان ریلوے نے آپریشن شروع کر دیا ہے۔ آپریشن کے موقع پر ریلوے حکام اور ریلوے پولیس کی بھاری نفری موجود تھی۔ آپریشن اٹک شہر اور مضافات میں ریلوے کی زمینوں پر قائم تجاوزات کو توڑدیا گیا۔ لوگوں کے گھروں کے آگے بنی ہوئی ناجائز تجاوزات کا خاتمہ کیا گیا۔ریلوے حکام کا کہنا ہے کہ عوام رضاکارانہ طور پر ریلوے اراضی کو چھوڑ دیں۔